Yéngi zélandiyelik zeytun top cholpini mes'ut özilning Uyghurlar heqqidiki sözini qollidi

Muxbirimiz erkin
2019-12-23
Élxet
Pikir
Share
Print

Yéngi zélandiyening ataqliq zeytun top cholpini soniy bil williyamis gérmaniyelik putbol cholpini mes'ut özilning uymurla heqqidiki sözini qollap, xitayning Uyghurlarning kishilik hoquqini depsende qiliwatqanliqini tenqid qilghan.

Soniy bil williyamis 23‏-dékabir küni özining tiwittérida xitayning besh yultuzluq qizil bayriqida boyalghan bir qolning ay yultuzluq sherqiy türkistan bayriqida boyalghan yene bir qolni qattiq siqip qan'gha boyighanliq heqqidiki bir sizma resim élan qilip, "Bizning insanliqning ornigha iqtisadiy menpe'etni tallishimiz échinishliqtur," dep yazghan.

Gérmaniyelik türk putbol cholpini, en'gliye "Arsénal" kulubining putbolchisi mes'ut özil yéqinda xitay bilen Uyghur mesilisige süküt qiliwatqan musulman döletlirini eyiblep, Uyghur rayonida "Qur'an köydürülüwatqan, meschitler chéqiliwatqan, medrisiler chekliniwatqan, (musulman) qérindashlar lagérlargha qamiliwatqan" bolsimu, lékin musulman ellirining buninggha süküt qilip, zuwan sürmeywatqanliqini eyibligen idi.

Mes'ut özilning sözi xitayni qattiq bi'aram qilghan. Xitay tashqi ishlar ministirliqi derhal bayanat élan qilip, mesut özilning "Saxta xewerler" ning azdurushigha uchrap ketkenlikini ilgiri sürgen shundaqla mes'ut özil xitaydiki bir putbol widéyo oyunidin chiqiriwétilgen idi.

2009‏-Yili islam dinigha kirip, musulmanliqni qobul qilghan soniy bil williyamis nöwette dunyadiki eng yaxshi en'gliye zeytun top oyunchisi, dégen bahagha érishken kishidur. Uning 23-dékabir küni tiwéttérda mes'ut özilni qollishi nopuzluq xelq'ara taratqularda xewer qilindi.

Toluq bet