Малдиве кубаниң уйғурлар һәққидики баянатини қоллиғанлиқини рәт қилған

Мухбиримиз әркин
2021-03-15
Share

Һинди окяндики арал дөлити малдиве кубаниң 12-март күни б д т кишилик һоқуқ кеңишиниң 46-нөвәтлик йиғинида хитайниң уйғур елидики кишилик һоқуқ дәпсәндичиликини ақлап, 64 дөләткә вакаләтән елан қилған баянатини қоллиғанлиқини рәт қилған.

Малдиведики "рааҗҗе" ториниң 14-март хәвәр қилишичә, малдиве арилиниң ташқи ишлар министирлиқи кубаниң б д т да хитайниң уйғур елидики кишилик һоқуқ дәпсәндичилики ақлап елан қилған баянатини қоллиғанлиқиға аит хәвәрләргә чүшәнчә берип, кубаниң баянатини қоллимиғанлиқини айдиңлаштурған.

Б д т кишилик һоқуқ кеңишиниң 46-нөвәтлик йиғинида хитайниң уйғурларға тутқан муамилиси америка, әнгилийә, германийә, франсийә қатарлиқ ғәрб дөләтлириниң қаттиқ әйиблишигә учриған. Америка вәкили хитайниң уйғурларға "ирқий қирғинчилиқ" вә "инсанийәткә қарши җинайәт" садир қиливатқанлиқини тәкитлигән. Бирақ куба 12-март иран, сәуди әрәбистан, мисир, пакистан, шималий корийә, белурусийә қатарлиқ кишилик һоқуқни изчил дәпсәндә қилип келивтақан 64 диктатур дөләткә вакаләтән бирләшмә баянат елан қилип, хитайни қоллиған.

Баянатта хитайниң кишилик һоқуқ саһәсидә зор илгирләшкә еришкәнлики, башқа дөләтләрниң униң ичкий ишлириға арңлашмаслиқини, "башқа дөләтләрниң шинҗаңдики мурәккәп вәзийәтни хата чүшүнивалғанлиқи" ни илгири сүргән. Кубаниң баянати кишилик һоқуқ тәшкилатлириниң әйиблишигә учриған. "универсал кишилик һоқуқ гурупписи" намлиқ кишилик һоқуқ тәшкилатиниң дериктори марк лимон тивиттерда малдиве арилини кубаниң баянатини қоллаш билән әйиблигән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт