Maldiwé kubaning Uyghurlar heqqidiki bayanatini qollighanliqini ret qilghan

Muxbirimiz erkin
2021-03-15
Share

Hindi okyandiki aral döliti maldiwé kubaning 12-mart küni b d t kishilik hoquq kéngishining 46-nöwetlik yighinida xitayning Uyghur élidiki kishilik hoquq depsendichilikini aqlap, 64 döletke wakaleten élan qilghan bayanatini qollighanliqini ret qilghan.

Maldiwédiki "Ra'ajjé" torining 14-mart xewer qilishiche, maldiwé arilining tashqi ishlar ministirliqi kubaning b d t da xitayning Uyghur élidiki kishilik hoquq depsendichiliki aqlap élan qilghan bayanatini qollighanliqigha a'it xewerlerge chüshenche bérip, kubaning bayanatini qollimighanliqini aydinglashturghan.

B d t kishilik hoquq kéngishining 46-nöwetlik yighinida xitayning Uyghurlargha tutqan mu'amilisi amérika, en'giliye, gérmaniye, fransiye qatarliq gherb döletlirining qattiq eyiblishige uchrighan. Amérika wekili xitayning Uyghurlargha "Irqiy qirghinchiliq" we "Insaniyetke qarshi jinayet" sadir qiliwatqanliqini tekitligen. Biraq kuba 12-mart iran, se'udi erebistan, misir, pakistan, shimaliy koriye, bélurusiye qatarliq kishilik hoquqni izchil depsende qilip kéliwtaqan 64 diktatur döletke wakaleten birleshme bayanat élan qilip, xitayni qollighan.

Bayanatta xitayning kishilik hoquq saheside zor ilgirleshke érishkenliki, bashqa döletlerning uning ichkiy ishlirigha arnglashmasliqini, "Bashqa döletlerning shinjangdiki murekkep weziyetni xata chüshüniwalghanliqi" ni ilgiri sürgen. Kubaning bayanati kishilik hoquq teshkilatlirining eyiblishige uchrighan. "Uniwérsal kishilik hoquq guruppisi" namliq kishilik hoquq teshkilatining dériktori mark limon tiwittérda maldiwé arilini kubaning bayanatini qollash bilen eyibligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet