Kerimoftin kéyinki özbékistanning siyasiy atmosférasida tedrijiy halda yumshash körülmekte

Muxbirimiz qutlan
2017-02-18
Share

Özbékistanni az kem 30 yilgha yéqin qattiq qolluq bilen bashqurghan diktator islam kerimofning ölimidin kéyin, ottura asiyadiki bu yépiq elde tedrijiy halda melum özgirishlerning boluwatqanliqi bilinmekte.

Ötken yili 12-ayda resmiy textke chiqqan shawket mirzayéfning kerimof dewride kirichi tartilghan siyasiy atmosférani asta-asta qoyup bérishke, ölük halettiki dölet iqtisadini qayta janlandurushqa tirishiwatqanliqi melum.

Azadliq radiyosining xewirige qarighanda, islam kerimof teripidin 1998-yili qamaqqa élin'ghan bankir rustem osmanof 19 yildin kéyin, yeni bu yil 2-ayning 15-küni qoyup bérilgen.

Rustem osmanof özbékistan musteqil bolghandin kéyin öz aldigha shexsiy banka achqan kishi bolup, kéyinche prézidént kerimof uni özige tehdit hésablap qamaqqa alghan we qaraqalpaq aptonom jumhuriyiti tewesidiki jasliq türmisige qamiwetken.

Azadliq radiyosining bildürishiche, shawket mirzayéf kerimof dewride chet'ellerge kétishke mejbur bolghan özbék muhajirlirlini wetinige qaytishqa dewet qilghan. Buning ipadisi süpitide rustem osmanofqa oxshash bir qisim siyasiy mehbuslarni türmidin qoyup bergen.

Ötken hepte téxi prézidént shawket mirzayéfning özbékistan Uyghur medeniyet merkizige tashkent shehiridin mexsus jay ajratqanliqi we 9 ming amérika dolliri qimmitidiki iqtisadiy yardem bergenliki xewer qilin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet