Өзбекистан президенти америка билән болған мунасивәтни күчәйтиш үмидини билдүрди

Мухбиримиз үмидвар
2017-02-19
Share

Азадлиқ радиосиниң хәвәр қилишичә, оттура асиядики өзбекистан җумһурийити билән америка қошма штатлири арисида дипломатийилик мунасивәт орнитилғанлиқиниң 25 йиллиқи билән икки дөләт президентлири бир-биригә тәбрикләш мәктуплирини әвәткән. Ислам кәримоф вапатидин кейин өзбекистан президенти болған шавкәт мирзияйев америка президенти доналд трампқа әвәткән мәктупида өзиниң икки дөләт арисида "25 йил давамида шәкилләнгән әнәниви мунасивәтләрни сақлап қелишниң қәтий тәрәпдари" икәнликини билдүргән.

Шавкәт мирзияйев йәнә америкиниң өзбекистанда узун муддәт тиҗарәт ишлирини елип бериши вә өзбекистанниң америкиниң кархана-ширкәтлири билән болған мәбләғ һәм технологийә һәмкарлиқлирини йәниму кеңәйтиш истикини билдүргән.

Мәлум болушичә, 2016-йили икки дөләт арисидики сода миқдари 453 милйон долларға йәткән. Һазир өзбекистанда америка ширкәтлириниң қатнишиши астида 164 кархана паалийәт қиливатқан болуп, буниң 122 си бирләшмә кархана икән.

Америка президенти доналд трампму шавкәт мирзияйевқа тәбрик телеграммиси әвәткән болуп, у хетидә өзиниң өзбекистан билән болған һәмкарлишиш үмидини билдүрүп,"кәлгүси йилларда райондики хәвпсизлик вә муқимлиқ саһәсидики омуми мәқсәтлиримизни әмәлгә ашурушта сиз билән һәмкарлишип ишләймиз дәп үмид қилимән" дегән.

Совет иттипақи йимирилгәндин кейин, өзбекистан билән америка дипломатийилик мунасивәт орнатқан болуп, әмма 2005-йили әнҗан вәқәсидин кейин, икки дөләт мунасивитидә өзгириш болған вә президент ислам кәримоф хитай һәм русийә билән болған һәмкарлиқлирини күчәйткән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт