Özbékistan prézidénti amérika bilen bolghan munasiwetni kücheytish ümidini bildürdi

Muxbirimiz ümidwar
2017-02-19
Share

Azadliq radi'osining xewer qilishiche, ottura asiyadiki özbékistan jumhuriyiti bilen amérika qoshma shtatliri arisida diplomatiyilik munasiwet ornitilghanliqining 25 yilliqi bilen ikki dölet prézidéntliri bir-birige tebriklesh mektuplirini ewetken. Islam kerimof wapatidin kéyin özbékistan prézidénti bolghan shawket mirziyayéw amérika prézidénti donald trampqa ewetken mektupida özining ikki dölet arisida "25 Yil dawamida shekillen'gen en'eniwi munasiwetlerni saqlap qélishning qet'iy terepdari" ikenlikini bildürgen.

Shawket mirziyayéw yene amérikining özbékistanda uzun muddet tijaret ishlirini élip bérishi we özbékistanning amérikining karxana-shirketliri bilen bolghan meblegh hem téxnologiye hemkarliqlirini yenimu kéngeytish istikini bildürgen.

Melum bolushiche, 2016-yili ikki dölet arisidiki soda miqdari 453 milyon dollargha yetken. Hazir özbékistanda amérika shirketlirining qatnishishi astida 164 karxana pa'aliyet qiliwatqan bolup, buning 122 si birleshme karxana iken.

Amérika prézidénti donald trampmu shawket mirziyayéwqa tebrik télégrammisi ewetken bolup, u xétide özining özbékistan bilen bolghan hemkarlishish ümidini bildürüp,"Kelgüsi yillarda rayondiki xewpsizlik we muqimliq sahesidiki omumi meqsetlirimizni emelge ashurushta siz bilen hemkarliship ishleymiz dep ümid qilimen" dégen.

Sowét ittipaqi yimirilgendin kéyin, özbékistan bilen amérika diplomatiyilik munasiwet ornatqan bolup, emma 2005-yili enjan weqesidin kéyin, ikki dölet munasiwitide özgirish bolghan we prézidént islam kerimof xitay hem rusiye bilen bolghan hemkarliqlirini kücheytken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet