Вийетнам хитай билән ишәнч келишими һасил қилған күни японийәни маневир өткүзүшкә тәклип қилған

Мухбиримиз җүмә
2015-11-07
Share


Вийетнам даирилири җүмә күни хитай президенти ши җинпиңни күтүвалғанда өзара ишәнч орнитиш һәққидә келишим һасил қилған болсиму, әмма дәл охшаш күндә японийә һәрбий парахотлирини бирләшмә маневир өткүзүшкә тәклип қилип әкәлгән.

Хитай рәиси ши җинпиң 5 - ноябирдин башлап вийетнамда дөләт зияритидә болған болуп, вийетнам даирилири уни алаһидә һөрмәт көрситип қарши алған.

"германийә долқунлири" торида көрситишичә, икки тәрәп ши җинпиңниң зиярити җәрянида, саяһәтчилик, йол қурулуши қәрз пули қатарлиқ 12 түрлүк келишим имзалиған.

Хәвәргә қариғанда, вийетнам даирилири ши җинпиңни узита - узатмайла японийәни инсаний ярдәм маневирни бирликтә өткүзүшкә тәклип қилған.

Мәлум болушичә, вийетнам йәнә маневирдин кейин японийә һәрбий парахотиниң вийетнамниң җәнубий деңиздики истратегийилик базиси - кәм ран қолтуқини зиярәт қилишиға йол қойған.

Вийетнамниң бу базиси җәнубий деңиздики зиддийәтләрниң мәркизи болуп келиватқан спрател тақим араллири су тәвәликигә интайин йеқин болуп, бу базини чәтәл парахотлириниң зиярәт қилиши кәм учрайдиған иш икән.

Рейтерстики бу һәқтә берилгән бир мулаһизигә қариғанда, вийетнамниң ишәнч мәсилидә хитайни хатирҗәм қилған күнниң өздила японийә билән бирләшмә маневир өткүзүшкә келишиши хитайни дүшмәнләштүрүп қоюши мумкин икән.

Вийетнамму җәнубий деңизда игилик һоқуқ дәталиши қиливатқан дөләтләрниң бири.

Хитай җәнубий деңизниң спрател вә парасел араллири тәвәсидики хада ташларни тиндуруп сүний аралларни ясап, өзиниң дәп елан қилғандин кейин бу филиппин, малайсия, бируней вә вийетнам қатарлиқ дөләтләрниң күчлүк наразилиқини қозғиған.

Шундин кейин америка хитайниң мәзкур араллиридики игилик һоқуқини етирап қилмайдиғанлиқини билдүрүш йүзисидин араллар тәвәсигә 12 деңиз мили келидиған җайдин һәрбий кемисини өткүзгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт