Wiyétnam xitay bilen ishench kélishimi hasil qilghan küni yaponiyeni manéwir ötküzüshke teklip qilghan

Muxbirimiz jüme
2015-11-07
Share


Wiyétnam da'iriliri jüme küni xitay prézidénti shi jinpingni kütüwalghanda öz'ara ishench ornitish heqqide kélishim hasil qilghan bolsimu, emma del oxshash künde yaponiye herbiy paraxotlirini birleshme manéwir ötküzüshke teklip qilip ekelgen.

Xitay re'isi shi jinping 5 - noyabirdin bashlap wiyétnamda dölet ziyaritide bolghan bolup, wiyétnam da'iriliri uni alahide hörmet körsitip qarshi alghan.

"Gérmaniye dolqunliri" torida körsitishiche, ikki terep shi jinpingning ziyariti jeryanida, sayahetchilik, yol qurulushi qerz puli qatarliq 12 türlük kélishim imzalighan.

Xewerge qarighanda, wiyétnam da'iriliri shi jinpingni uzita - uzatmayla yaponiyeni insaniy yardem manéwirni birlikte ötküzüshke teklip qilghan.

Melum bolushiche, wiyétnam yene manéwirdin kéyin yaponiye herbiy paraxotining wiyétnamning jenubiy déngizdiki istratégiyilik bazisi - kem ran qoltuqini ziyaret qilishigha yol qoyghan.

Wiyétnamning bu bazisi jenubiy déngizdiki ziddiyetlerning merkizi bolup kéliwatqan spratél taqim aralliri su tewelikige intayin yéqin bolup, bu bazini chet'el paraxotlirining ziyaret qilishi kem uchraydighan ish iken.

Réytérstiki bu heqte bérilgen bir mulahizige qarighanda, wiyétnamning ishench mesilide xitayni xatirjem qilghan künning özdila yaponiye bilen birleshme manéwir ötküzüshke kélishishi xitayni düshmenleshtürüp qoyushi mumkin iken.

Wiyétnammu jenubiy déngizda igilik hoquq detalishi qiliwatqan döletlerning biri.

Xitay jenubiy déngizning spratél we parasél aralliri tewesidiki xada tashlarni tindurup sün'iy arallarni yasap, özining dep élan qilghandin kéyin bu filippin, malaysiya, birunéy we wiyétnam qatarliq döletlerning küchlük naraziliqini qozghighan.

Shundin kéyin amérika xitayning mezkur aralliridiki igilik hoquqini étirap qilmaydighanliqini bildürüsh yüzisidin arallar tewesige 12 déngiz mili kélidighan jaydin herbiy kémisini ötküzgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet