Wol-sitrét zhurnili: "Ürümchide kochilar quruq, dukanlar taqaq, meschitler jimjit"

Muxbirimiz eziz
2019-03-20
Élxet
Pikir
Share
Print

"Wol-sitrét zhurnili" ning bügün élan qilghan bir xewiridin melum bolushiche, mezkur zhurnalning muxbirliri yéqinda Uyghur rayonini ziyaret qilip, rayonning nöwettiki weziyiti üstide tekshürüsh élip barghan.

"Ita'etmen sheher berpa qilish üchün musulman mehellirining bit-chit qilin'ghanliqi" téma qilin'ghan mezkur xewerde rayonning lagérlar qurulushtin awwalqi we nöwettiki ijtima'iy muhiti üstide sélishturma élip bérilghan.

Ikki yil awwalqi qaynaq bazar we mehellilerdin körünüshler körsitilgen xewerde rayonda nöwette Uyghur ahaliler merkezleshken kochilarda adem shalanglap ketkenliki, dukanlarning taqalghanliqi, meschitlerni jimjitliq basqanliqi tilgha élin'ghan. Xewerde körsitilishiche, ürümchining yamaliq (xéyjasen) rayondiki ilgiri mewjut bir mehellidiki öyler pütünley chéqiwétilgen. Tashlanduq bir öyning üstige xitayning dölet bayriqi qadalghan.

Xewerde mezkur körünüshler heqqide radiyomiz muxbiri gülchéhrening tesiratliridin neqiller élin'ghan. Gülchéhre özi chong bolghan mehelle we medeniyetning berbat bolghanliqi, buni eslige keltürüshning qéyinliqini bayan qilghan. Xewerde amérika hökümiti we b b t ning munasiwetlik organlirining lagérlar mesilisi heqqidiki tenqid pikirliri eslitip ötülüsh bilen birlikte Uyghur rayoni weziyitige nisbeten emdi tenqid zamani emes, belki heriket zamanining yétip kelgenliki tekitlen'gen.

Toluq bet