Валкер президент обамани хитай рәиси ши җинпиңниң америка зияритини бикар қилишқа чақирди

Мухбиримиз меһрибан
2015-08-26
Share


Америка вискансин штатиниң штат башлиқи скот валкер президент обамани хитай рәиси ши җинпиңниң зияритини бикар қилишқа чақирди.

Бирләшмә агентлиқниң 25 - авғуст сәйшәнбә күнидики хәвиридә дейилишичә, вискансин штатиниң шитат башлиқи, 2016 - йиллиқ америка президент сайлиминиң җумһурийәтчиләр партийисидин болған намзатлиридин бири скот валкер америка президенти обамани, хитай рәиси ши җинпиңниң бу йил сентәбирдә пиланлиған америка зияритини бикар қилишқа чақирип, хитайдики, пай чеки базиридики чөкүш, кишилик һоқуқ актиплириниң тутқун қилиниш мәсилиси, хитайниң җәнубий деңиздики қошнилири билән болған талаш - тартишлири, хитайниң америкиниң һөкүмәт органлириға қаратқан тор һуҗумлири қатарлиқ мәвҗут мәсилиләрни тилға алған.

Мәлум болушичә америка вискансин шитатиниң шитат башлиқи валкер җумһурийәтчиләр парийисиниң 2016 - йиллиқ президент назматлириниң бири. У илгири көп қетим баянат елан қилип, хитайдики кишилик һоқуқ дәпсәндичилики, диний етиқадқа қаратқан бастуруш сиясити қатарлиқ мәсилиләрни ашкара тәнқид қилип кәлгән вә америкини хитай билән болған дипломатик мунасивәттә бу мәсилиләрдә қаттиқ болушқа чақирип кәлгән парламент әзалириниң бири һесаблинидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт