Washin'gton putinning chirikleshkenlikini ilgiri sürdi, moskwa ispat telep qildi
2016.01.26
Amérika maliye ministirliqining émbargogha mes'ul bir xadimi ötken hepte b b s ning ziyaritini qobul qilghan chéghida rusiye prézidénti wiladimir putinning chirikleshkenlikini we uning chiriklik ehwalini xéli yillardin béri bilidighanliqini ilgiri sürgen.
Moskwa bayanatchisi bügünki axbarat élan qilish yighinida bu heqte toxtilip mezkur xewerni tipik bir mes'uliyetsiz axbarat délosi dégen we aqsarayni dégenliri üchün ispat körsitishke chaqirghan.
Aqsarayning alaqidar xadimi ötken heptidiki sözide putinning énérgiye sahesige yoshurun shekilde meblegh séliwatqanliqini, dölet bayliqini yéqinliri we ittipaqdashlirining qoligha tutquzup ularning béyishigha purset yaritip bériwatqanliqini we özimu bayliq toplawatqanliqini bayan qilghan.
Rusiye qirimni ishghal qilghandin kéyin, amérika krémlinning bir qisim emeldarlirigha iqtisadiy jaza qollan'ghan bolsimu, emma putinning ismini éniq halda tilgha almighan. B b s ning bügünki bu heqtiki xewiride bayan qilinishiche, putin b b s muxbirining bu témidiki ziyaritini qobul qilmighan.