Amérika paytexti washin'gtonda xitay hökümitige qarshi zor kölemlik namayish ötküzüldi

Muxbirimiz irade
2020-10-01
Share
washington-namayish-1-oktebir.jpg Amérika paytexti washin'gtonda xitay hökümitige qarshi ötküzülgen zor kölemlik namayishta xatire süret. 2020-Yili 1-öktebir, washin'gton.
RFA

10-Ayning 1-küni yeni xitayning dölet bayrimi küni dunyaning herqaysi jaylirida "Xitay kompartiyesige qarshi turush xelq'arawi namayishi" ötküzüldi. Uyghurlar, tibetler, jenubiy mongghuliyelikler, shundaqla xongkong, teywen we xitay démokratlirining ortaqlishishi bilen ötküzülgen bu zor kölemlik namayish dunyaning herqaysi jayliridiki 60 tin artuq sheherde ötküzüldi.

Amérika paytexti washintgtondiki namayish amérika dölet mejlis binasi aldidiki chong meydanda intayin daghdughiliq ötküzüldi. Namayishta amérika dölet mejlis ezaliri, Uyghur, tibet we mongghul qatarliq namayishchi amma wekilliri söz qildi.

Namayish meydanidiki Uyghur namayishchilar korladiki poyiz istansidin namelum ichkiri xitay ölkisige közliri baghlan'ghan, put-qolliri kishenlen'gen halda yötkep méngilghan Uyghur mehbuslargha oxshash kök renglik mehbus kiyimlirini kiyiship, alahide diqqet qozghidi. Namayish meydanida yene Uyghurlarning béshigha kéliwatqan lagérgha qamilish, qéyin-qistaq, medeniyet assimilyatsiyesi qatarliq zulumlar namayishchilarning sehnileshtürüshi bilen janliq halda yorutup bérildi.

Nechche yüzligen kishi qatnashqan bu namayish arqiliq dunya miqyasidiki hökümetler Uyghurlargha yürgüzülüwatqan irqiy qirghinchiliqni toxtitish we xitayning zulumini ayaghlashturush üchün téximu küchlük we mas qedemde heriket qilishqa chaqirildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet