"вашингтон почтиси" гезити: "нурғун дөләтләрниң хитайға болған инкаси төвән"

Мухбиримиз җәвлан
2021-02-12
Share

"вашингтон почтиси" гезити 12-феврал елан қилған бир мақалидә, уйғурларниң әһвали вә уйғур диярида йүз берип келиватқан сиясий трагедийәләр қисқичә баян қилинған һәмдә нурғун дөләтләрниң уйғур диярида йүз бериватқан җинайәтләргә күчлүк инкас билдүрмәйватқанлиқи тәкитләнгән.

Мақалидә мундақ дейилгән: "америка ташқи ишлар министирлиқи 1-айда хитайниң уйғурларға елип барған һәрикитини ‹ирқий қирғинчилиқ' дәп атиди. Америка йәнә шинҗаңда ишләнгән, әмма мәҗбурий әмгәк билән четишлиқи болған малларни импорт қилишни чәклиди. Көплигән ғәрб дөләтлири хитайниң шинҗаңдики сияситини әйиблиди, әнглийәму 1-айда хитайға бесим қилип, бирләшкән дөләтләр тәшкилатидин бу районға кишилик һоқуқни көзәткүчиләр әвәтишни тәләп қилди. явропа парламентиму өткән йил 12-айда хитайниң шинҗаңдики мәҗбурий әмгәк сияситини тәнқидлиди. Әмма хитай ‹һәр қандақ дөләт хитайниң ички ишлириға арилашмаслиқи керәк' дәп агаһландуруп турғачқа, нурғун дөләтләрниң инкаси наһайити төвән болди".

Мақалидә йәнә хәлқарадики даңлиқ таратқуларниң һәммисиниң дегүдәк уйғур дияридин учур топлашқа тиришип кәлгәнлики, әнглийә BBC таратқуси лагерларға соланған уйғур аяллириниң инсан қелипидин чиққан хорлуқларға учриғанлиқини хәвәр қилғанлиқи үчүн хитай радийо-телевизийә идариси тәрипидин чәкләнгәнлики тилға елинған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт