"Washin'gton pochtisi" géziti: "Nurghun döletlerning xitaygha bolghan inkasi töwen"

Muxbirimiz jewlan
2021-02-12
Share

"Washin'gton pochtisi" géziti 12-féwral élan qilghan bir maqalide, Uyghurlarning ehwali we Uyghur diyarida yüz bérip kéliwatqan siyasiy tragédiyeler qisqiche bayan qilin'ghan hemde nurghun döletlerning Uyghur diyarida yüz bériwatqan jinayetlerge küchlük inkas bildürmeywatqanliqi tekitlen'gen.

Maqalide mundaq déyilgen: "Amérika tashqi ishlar ministirliqi 1-ayda xitayning Uyghurlargha élip barghan herikitini 'irqiy qirghinchiliq' dep atidi. Amérika yene shinjangda ishlen'gen, emma mejburiy emgek bilen chétishliqi bolghan mallarni import qilishni cheklidi. Köpligen gherb döletliri xitayning shinjangdiki siyasitini eyiblidi, en'gliyemu 1-ayda xitaygha bésim qilip, birleshken döletler teshkilatidin bu rayon'gha kishilik hoquqni közetküchiler ewetishni telep qildi. Yawropa parlaméntimu ötken yil 12-ayda xitayning shinjangdiki mejburiy emgek siyasitini tenqidlidi. Emma xitay 'her qandaq dölet xitayning ichki ishlirigha arilashmasliqi kérek' dep agahlandurup turghachqa, nurghun döletlerning inkasi nahayiti töwen boldi".

Maqalide yene xelq'aradiki dangliq taratqularning hemmisining dégüdek Uyghur diyaridin uchur toplashqa tiriship kelgenliki, en'gliye BBC taratqusi lagérlargha solan'ghan Uyghur ayallirining insan qélipidin chiqqan xorluqlargha uchrighanliqini xewer qilghanliqi üchün xitay radiyo-téléwiziye idarisi teripidin cheklen'genliki tilgha élin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet