"вашингтон почтиси" хитайниң дубәйдики мәхпий қамақханасиға қарита тәһрират мақалиси елан қилди

Мухбиримиз әркин
2021-08-23
Share

"вашингтон почтиси" гезити 22-авғуст күни хитайниң дубәйдә мәхпий қамақхана қурғанлиқиға қарита тәһрират мақалиси елан қилип, хитайниң бастурушни кеңәйтиватқан болуши мумкинлики, дөләтләрниң бу хил ғәйри либерал тәһдитләргә қарши туруши керәкликини билдүрди.

Хитайниң дубәйдә мәхпий қамақхана қурғанлиқини бир хитай ‍өктичисиниң той қилидиған қизи ашкарлиған. Йигити билән йеқинда голландийәгә берип панаһлиқ тиллигән бу хитай қизи өзиниң бу йил 5-айда дубәй сақчилири тәрипидин тутқун қилинип, хитайниң мәзкур мәхпий қамақханисиға соланғанлиқи, бу йәрдә икки уйғур қизиниңму қамақлиқ икәнликини ашкарлиған иди.

"вашингтон почтиси" ниң қәйт қилишичә, нурғун уйғурлар өз вәтинидә дуч кәлгән тутқун, қийин-қистақ вә җаза лагерлирида "қайта-тәрбийәлиниш" тәк вәһшиликтин қутулуш үчүн типирлаватқан болсиму, бирақ йетәрлик дәлилләр қечип чиқишқа мувәппәқ болғанларму хитайниң рәһимсиз қолидин қутулалмайватқанлиқини көрсәтмәктә икән.

Мақалидә әрәб бирләшмә хәлипиликиниң тунҗи қетим хитай үчүн бу хил мәйнәт ‍ишларни қилиши әмәслики, униң 2018-йилиму абдуҗелил сопи ‍исимлик уйғурни хитайға тутуп бәргәнлики, 2017-йилниң ахирилири вә 2018-йилниң башлири аз дигәндә 5 уйғурни мусулманларға "ирқий қирғинчилиқ" қиливатқан хитайға өткүзүп бәргәнликини билдүргән.

Мақалидә ейтишичә, бу дөләтләрниң хитайниң еғир кишилик һоқуқ дәпсәндичиликигә қатнишиши әхлақий дағ болуп, бу қилмишларни бейҗиңниң ул әслиһәләр мәблиғи яки "достлуқи" һәқлиқ көрситәлмәйдикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт