"Washin'gton pochtisi" xitayning dubeydiki mexpiy qamaqxanasigha qarita tehrirat maqalisi élan qildi

Muxbirimiz erkin
2021-08-23
Share

"Washin'gton pochtisi" géziti 22-awghust küni xitayning dubeyde mexpiy qamaqxana qurghanliqigha qarita tehrirat maqalisi élan qilip, xitayning basturushni kéngeytiwatqan bolushi mumkinliki, döletlerning bu xil gheyri libéral tehditlerge qarshi turushi kéreklikini bildürdi.

Xitayning dubeyde mexpiy qamaqxana qurghanliqini bir xitay ‍öktichisining toy qilidighan qizi ashkarlighan. Yigiti bilen yéqinda gollandiyege bérip panahliq tilligen bu xitay qizi özining bu yil 5-ayda dubey saqchiliri teripidin tutqun qilinip, xitayning mezkur mexpiy qamaqxanisigha solan'ghanliqi, bu yerde ikki Uyghur qiziningmu qamaqliq ikenlikini ashkarlighan idi.

"Washin'gton pochtisi" ning qeyt qilishiche, nurghun Uyghurlar öz wetinide duch kelgen tutqun, qiyin-qistaq we jaza lagérlirida "Qayta-terbiyelinish" tek wehshiliktin qutulush üchün tipirlawatqan bolsimu, biraq yéterlik deliller qéchip chiqishqa muweppeq bolghanlarmu xitayning rehimsiz qolidin qutulalmaywatqanliqini körsetmekte iken.

Maqalide ereb birleshme xelipilikining tunji qétim xitay üchün bu xil meynet ‍ishlarni qilishi emesliki, uning 2018-yilimu abdujélil sopi ‍isimlik Uyghurni xitaygha tutup bergenliki, 2017-yilning axiriliri we 2018-yilning bashliri az digende 5 Uyghurni musulmanlargha "Irqiy qirghinchiliq" qiliwatqan xitaygha ötküzüp bergenlikini bildürgen.

Maqalide éytishiche, bu döletlerning xitayning éghir kishilik hoquq depsendichilikige qatnishishi exlaqiy dagh bolup, bu qilmishlarni béyjingning ul esliheler meblighi yaki "Dostluqi" heqliq körsitelmeydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet