Вашингтон почтиси: "килимат һәмкарлиқини, дәп хитайниң ирқий қирғинчилиқиға йол қоюш әхлақсизлиқ һәм истратегийәлик әхмәқлиқ"

Мухбиримиз әркин
2021-11-05
Share

"вашингтон почтиси" гезитиниң обзорчиси җош роген 4-ноябир күни мәзкур гезиттә мақалә елан қилип, америка һава килимат өзгириши истратегийәсиниң хитайға тайинип қелишиға болмайдиғанлиқини илгири сүргән. Җош рогенниң ейтишичә, хитай рәһбири ши җинпиңниң һава килимат өзгиришигә қизиқмайдиғанлиқи ениқ икән. У американиң бу нуқтини айдиңлаштуруши вә өзиниң енергийә келәчикини бейҗиң билән болған яхши мунасивәткә бағлап қоймаслиқи керәкликини билдүргән.

Җош роген: "бизниң килимат өзгириши истратегийәмиз хитайға тайинип қалса болмайду" мавзулиқ мақалисидә йәнә байден һөкүмитидики бәзи кишиләрдә хитай билән болған һава килимат һәмкарлиқини дәп, хитайниң уйғурларға елип бериватқан ирқий қирғинчилиқиға йол қоюш хаиши бардәк қиливатқанлиқини тәнқидлигән. У, һазир уйғур мусулманлирини вә башқа аз санлиқ милләтләрни мәҗбурий әмгәккә салған хитай әмәлдарлирини җазалашни кеңәйтишкә аит бир қанун лайиһәсиниң авам палатасида мақуллинишни күтүп турғанлиқи, бейҗиңниң һава килимат мәсилисидә һәмкарлиқини қолға кәлтүрүш үчүн, униң ирқий қирғинчилиқ қилишиға йол қоюшниң "әхлақи җәһәттин хата болупла қалмай, истратегийәлик әхмақлиқ" икәнликини билдүргән.

Униң ейтишичә, хитай ширкәтлириниң мәҗбурий әмгәк мәһсулатлириниң базири болсила, америкаға охшаш дөләтләрдики риқабәтчиләр униң билән риқабәтлишәмәйдикән. У "вәһшиликни көрмәскә селиш бизни енергийә риқабитидә хитайға техиму беқиндуриду. Хитайниң кишилик һоқуқ дәпсәндичиликигә зәрбә бериш арқилиқ америка кәлгүси санаәт тәрәққиятида өзиниң риқабәт әвзәлликини күчәйтиши мумкин" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт