Washin'gton pochtisi: "Kilimat hemkarliqini, dep xitayning irqiy qirghinchiliqigha yol qoyush exlaqsizliq hem istratégiyelik exmeqliq"

Muxbirimiz erkin
2021-11-05
Share

"Washin'gton pochtisi" gézitining obzorchisi josh rogén 4-noyabir küni mezkur gézitte maqale élan qilip, amérika hawa kilimat özgirishi istratégiyesining xitaygha tayinip qélishigha bolmaydighanliqini ilgiri sürgen. Josh rogénning éytishiche, xitay rehbiri shi jinpingning hawa kilimat özgirishige qiziqmaydighanliqi éniq iken. U amérikaning bu nuqtini aydinglashturushi we özining énérgiye kélechikini béyjing bilen bolghan yaxshi munasiwetke baghlap qoymasliqi kéreklikini bildürgen.

Josh rogén: "Bizning kilimat özgirishi istratégiyemiz xitaygha tayinip qalsa bolmaydu" mawzuliq maqaliside yene baydén hökümitidiki bezi kishilerde xitay bilen bolghan hawa kilimat hemkarliqini dep, xitayning Uyghurlargha élip bériwatqan irqiy qirghinchiliqigha yol qoyush xa'ishi bardek qiliwatqanliqini tenqidligen. U, hazir Uyghur musulmanlirini we bashqa az sanliq milletlerni mejburiy emgekke salghan xitay emeldarlirini jazalashni kéngeytishke a'it bir qanun layihesining awam palatasida maqullinishni kütüp turghanliqi, béyjingning hawa kilimat mesiliside hemkarliqini qolgha keltürüsh üchün, uning irqiy qirghinchiliq qilishigha yol qoyushning "Exlaqi jehettin xata bolupla qalmay, istratégiyelik exmaqliq" ikenlikini bildürgen.

Uning éytishiche, xitay shirketlirining mejburiy emgek mehsulatlirining baziri bolsila, amérikagha oxshash döletlerdiki riqabetchiler uning bilen riqabetlishemeydiken. U "Wehshilikni körmeske sélish bizni énérgiye riqabitide xitaygha téximu béqinduridu. Xitayning kishilik hoquq depsendichilikige zerbe bérish arqiliq amérika kelgüsi sana'et tereqqiyatida özining riqabet ewzellikini kücheytishi mumkin" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet