«Вашингтон почтиси» гезитиниң обзорчиси: «хитай билән иқтисади вә иҗтимаий алақидә йирақлишишниң вақти кәлди»

Мухбиримиз әркин
2020-03-20
Елхәт
Пикир
Share
Принт

Хитайниң вухәндә партлиған корона вирусини йошуруп, униң дуняға җүмлидин америкаға тарқилишини кәлтүрүп чиқириши америкада хитай билән болған мунасивәтләргә җиддий соал пәйда қилмақта.

«Вашингтон почтиси» гезитиниң обзорчиси марк тейссен, 19-март мақалә елан қилип, хитай билән болған иқтисади вә иҗтимаий җәһәтләрдики алақидә йирақлишиш вақти кәлгәнликини билдүрди.

Униң илгири сүрүшичә, нөвәттә америкалиқлар хитайниң ялғанчилиқи вә хаталиқи сәвәблик дуняға таралған корона вирусини тосуш үчүн иҗтимаий алақилирини тохтитишқа тиришмақтикән. Марк тейссен мақалисидә, бәлки хитай билән болған иқтисадий, иҗтимаий алақидиму йирақлишишниң вақти кәлгәнликини тәкитлигән.

Марк тейссен, американиң нурғун мәһсулатларда хитайға тайинидиғанлиқи, бу қетимқи юқум бу реаллиқни ашкарилиғанлиқини тәкитләп, американиң йөлинишини өзгәртиши, хитай билән болған «бир қисим иқтисади мунасивәтләрни үзүши керәклики» ни билдүргән. У йәнә мутәхәссисләрниң сөзини нәқил кәлтүрүп: «бу иқтисади алақә дөләт бихәтәрлики, гүллиниш вә демократик қиммәт қариши қатарлиқ һалқилиқ саһәләрдә чәклиниши керәк» дегән.

Униң тәкитлишичә, хитайниң таҗсиман вируси юқумини йошуруши американиң хитай билән болған иқтисади алақисини көздин кәчүрүп, доригәрлик вә башқиларда хитайға тайинишқа хатимә бериштики обдан пурсәт икән.

Пикирләр (0)
Share
Толуқ бәт