Ili oblastida échilghan "Wetenperwer diniy zat" lar terbiyilesh kursi diqqet qozghidi

Muxbirimiz méhriban
2017-05-09
Share

8-May küni ili oblasti boyiche 6-nöwetlik "Wetenperwer diniy zat" larni terbiyilesh kursining ghulja shehiride échilghanliqi heqqidiki xewer diqqet qozghidi.

Yighin heqqidiki xewerde, mezkur kursning meqsiti heqqide toxtilip, "Yighinda diniy zatlarni terbiyileshke ehmiyet bérilip, siyasiy jehettin ishenchlik, diniy bilimliri mukemmel, jiddiy peytlerde rolini jari qilduralaydighan wetenperwer diniy zatlar qoshunini terbiyilesh" otturigha qoyuldi déyilgen.

Weziyet analizchiri we Uyghur pa'aliyetchilirining qarishiche, xitay da'irilirining "Wetenperwer diniy zatlar" namida bir türküm diniy ölimalarni terbiyilep, xitay hökümitining teshwiqatigha sélishi, uzundin buyan dawamliship kéliwatqan istratégiyilik tedbirlirining biri. Ili diyarida 1997-yili yüz bergen 5-féwral ghulja weqesi, 2009-yilidiki ürümchi 5-iyul weqesi qatarliqlarda atalmish "Wetenperwer diniy zat" lar sehne, téléwizorlargha chiqip, hökümetke qarshi naraziliqini ipadiligen Uyghurlarni qarilighan idi.

Xitay taratqulirida atalmish "Wetenperwer diniy zat" lar medhiyilesh obyékti qilinip kelgen bolsimu, emma ular Uyghurlar arisida yillardin buyan qobul qilinishqa muyesser bolalmidi, hetta hujumgha uchrash nishani bolup keldi. Qeshqerdiki yéqinqi yillarda yüz bergen harunxan damollamgha pichaqliq hujum qilish weqesi, 2014-yili qeshqer héytgah meschitining imami jüme tahirning pichaqlap öltürülüsh weqeliri xelq'ara taratqularning diqqitini qozghighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.