Сақчи даирилири вукәндики наразилиқ билдүргүчиләрдин 13 адәмни тутқун қилған

Мухбиримиз үмидвар
2016-09-13
Елхәт
Пикир
Share
Принт

Хитай сақчи даирилири 13-сентәбир күни гуаңдуң өлкисиниң луфең наһийиси вукән кәнтидики наразилиқ һәрикәтлирини тинчитқан болуп, хитай һөкүмәт тәрәп 13 адәмниң тутқун қилинғанлиқини билдүргән.

Ройтерс агентлиқиниң хәвәр қилишичә, сақчи күчлири наразилиқ билдүргүчиләргә қаритип көздин яш аққузуш бомбиси вә резинкә оқ атқан.

Б б с агентлиқиниң йезишичә, мәзкур кәнттики аһалиләр 6-айниң 19-күнидин етибарән өзлириниң тутуп кетилгән кәнт башлиқи лин зулйәнни қоюп бериш, йәр игидарчилиқ һоқуқи вә башқа һоқуқлирини қоғдашни тәләп қилип наразилиқ намайиши өткүзүп кәлмәктә иди.

Вукән йезисида 2012-йили, хәлқ ашкара сайлам өткүзүп, өзлири халиған лин зулйәнни вукән кәнтиниң кәнт башлиқиға сайлиған иди. Әйни вақитта гуаңдуңниң вукән кәнтидики хәлқниң мәзкур әркин сайлими күчлүк тәсир пәйда қилған болуп, әмма, бу йил 18-июн күни гуаңдуң луфең наһийә сақчи даирилири лин зулйәнни парихорлуқ қилмишини тәкшүрүш нами билән тутуп кәткән иди.

8-Сентәбир күни лин зулйән үч йиллиқ қамақ җазаси вә 400 миң сом җәриманә төләшкә һөкүм қилинғандин кейин, униң вукәндики қоллиғучилири бу һөкүмдин нарази болған.

Аһалиләрниң илгири сүрүшичә, луфең сақчи тәрәп 13-сентәбир күни таң сәһәрдә көп санда җамаәт хәвпсизлик, қораллиқ вә алаһидә сақчиларни вукәнгә әвәтип, кәнт аһалилириниң өйлиригә кирип ахтуруш вә тутқун қилиш елип барған. Луфең җамаәт хәвпсизлик идариси баянат елан қилип, тутқун қилинғанларниң өсәк сөз тарқитип, кишиләрни наразилиқ паалийитигә зорлиғанлиқини әйиблигән.

Пикирләр (0)
Share
Толуқ бәт