Xitay tajsiman wirustin saqayghanlar sanining éshiwatqanliqini xewer qilmaqta

Muxbirimiz nuriman
2020-02-26
Élxet
Pikir
Share
Print

Dunyaning bashqa jaylirida korona wirusi (tajisiman wirusi) bilen yuqumlan'ghuchi we ölgüchiler sanining éship bériwatqanliqi xewer qiliniwatqan peytte, xitay metbu'atlirida oxshimighan san-sipir élan qilinmaqta.

"Tengritagh" torining 26-féwral xewer qilishiche, Uyghur aptonom rayonida (herbiy rayonlarni öz ichige alidu) tajsiman wirustin yuqumlan'ghuchilardin 4 kishi saqiyip doxturxanidin chiqqan. Bularning ikkisi ili oblastidin, biri bayin'gholindin, yene biri herbiy rayonidin iken.

Xewerde yene, aptonom rayoni boyiche dawalinip doxturxanidin chiqqanlarning omumi sani 34 neper, doxturxanida yitip dawaliniwatqanlarning sani 40 neper, dep élan qilghan.

Halbuki, xewerde rayondiki yuqumlan'ghuchilarning omumiy sani bérilmigen.

Ilgiri xewerlirimizde peqet atush shehiridiki bir méhmanxanidila 99 wuxenlikning karantin astigha élin'ghanliqi ashkarilan'ghan idi.

Xitay yuqumlan'ghuchilarning saqiyiwatqanliqini élan qiliwatqan mezgilde koréye, italiye, iran qatarliq döletlerde wirustin yuqumlan'ghuchilarning tiz sür'ette éshiwatqanliqi melum.

Bezi erbablar xitay korona wirusi heqqide élan ashkarilawatqan sanliq melumatlarning gumanliq ikenlikini ilgiri sürgen.

25-Féwral amérika tashqi ishlar ministiri mayik pompiyo xitayni wirusning heqiqiy ehwalini yoshurup, ölüm-yétimning éghirlishishigha seweb bolghan, dep eyibligen, idi.

Toluq bet