Pompéyoning korona wirusini "Wuxen wirusi" dep atishi xitayni qattiq bi'aram qildi

Muxbirimiz erkin
2020-03-06
Élxet
Pikir
Share
Print

Amérika tashqiy ishlar ministiri mayk pompéyoning xitayning wuxen shehiride partlighan korona wirusini "Wuxen wirusi" dep atishi xitay da'irilirining naraziliqini qozghighan.

Mayk pompéyo 6‏-mart küni amérika téléwiziye qanili CNBC ning ziyaritini qobul qilghanda tajisiman öpke yalluqini "Wuxen wirusi" dep atighan idi. Bu uning xitayda partlighan bu wirusni mushu ikki kün ichide 2‏-qétim "Wuxen wirusi" yaki "Wuxen korona wirusi" dep atishidur. 

Xitay da'iriliri yéqindin buyan mezkur wirusning xitaydin tarqalghanliqini inkar qilishqa bashlighan. Xitay tashqiy ishlar ministirliqining bayanatchisi jaw lijyen taratqularning bu wirusni "Xitay wirusi" yaki "Wuxen wirusi" dep atishining "Intayin mes'uliyetsizlik" ikenlikini tektiligen. Lékin mayk pompéyo CNBC ning ziyaritini qobul qilghanda xitayning yuqumgha ünümlik taqabil turush tedbirliri alghanliqi heqqidiki bir su'aligha nöwettiki yuqumni "Del wuxen wirusining keltürüp chiqarghanliqi" ni bildürgen. 

Mezkür wirus ötken yili 12‏-ayda wuxende bayqalghan. Emma jaw lijyen bu heptining bashlirida élan qilghan bayanatida "Uni 'junggo wirusi' dep atash shundaqla buninggha héchqandaq pakit bolmay turup uning kélip chiqishini otturigha qoyush arqiliq bezi taratqular junggoni eyibleshke urunmaqta. Ularning bu xil yaman gherizi ishqa ashmaydu," dégen idi.

Biraq mayk pompéyo xitayning "Wirus bashqa jaydin tarqalghan bolushi mumkin," dégen bayanlirini ret qilip: "Béyjingning téximu köp uchurlarni hembehirlimesliki kishini bekmu heyran qalduridighanliqi, xitayning tirishchanliqigha xoshal bolsimu, lékin wirusning wuxendin kelgenlikige héchkimning kompartiyedek hoquqluq emesliki" ni bildürgen.

Toluq bet