Korona wirusining ottura asiya elliride tiz sürette yamrawatqanliqi melum

Muxbirimiz jüme
2020-07-12
Share

Korona wirusining ottura asiya elliride tiz sürette yamrawatqanliqi melum. "Wiyon" agéntliqining xewer qilishiche, qazaqistanda peyshenbe 1 ming 962 neper, jüme küni 1 ming 726 neper yuqumdar bayqilip, bu ikki kün hazirgha kelgüche yéngi yuqumdar lar eng köp bayqalghan kün bolup qalghan. Shenbe künigiche bayqalghan korona wirusi yuqumdarliri sani 55 ming neperge yetken. Bularning arisida 264 adem qaza qilghan.

Xewerde körsitishiche, qazaq prézidénti qasim jomart toqayéw shenbe küni ichki kabinét ezalirigha korona yuqum weziyiti tizginlenmeydiken kabinétni tarqitiwétidighanliqi heqqide tehdit salghan.

Jüme küni dunya sehiye teshkilati qazaqistan weziyitini yéqindin közitiwatqanliqini bildürgen.

"Azadliq" radiyosining xewer qilishiche, qirghizistanda korona yuqumdarlirining köpiyishige egiship, hökümet da'iriliri waqitliq doxturxanilarni jiddiy köpeytishke bashlighan. 

Bu xildiki doxturxanilar talas, jalal'abad, batkent we issiq köl qatarliq rayonlarda birla waqitta köpeytilgen.

Bezi xewerlerde körsitilishiche, 12-iyulghiche qirghizistanda delillen'gen korona wirusi yuqumdarlirining sani 10 ming 629 gha yetken.

Özbékistandiki yuqumdar lar sani 12 ming 855 ke, qaza qilghanlar sani 60 qa yetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet