Mongghul pa'aliyetchisi xadani ziyaret qilmaqchi bolghan fransiyilik muxbirlar saqchilar teripidin soraq qilinip qayturuwétildi

Muxbirimiz méhriban
2015-02-24
Share


21 - Féwral küni mongghul pa'aliyetchisi xadani ziyaret qilmaqchi bolghan ikki neper fransiyilik muxbir, xadaning kökxot shehiridiki turalghusi aldida saqchilar teripidin tutqun qilinip qayturuwétilgen. Radi'omiz xitay bölümining ziyaritini qobul qilghan xada ependining bildürüshiche, shenbe küni chüshte bu ikki muxbir kökxot shehiridiki chinggizxan saqchixanisigha apirilip,chüshtin kéyin sa'et 5 kiche soraq qilin'ghandin kéyin, ayrodromgha mejburi élip bérilip qayturuwétilgen.

Xadaning ayali shinnaning bildürüshiche, xada türmidin qoyup bérilip öyge qaytip kelgen bolsimu, emma ularning öyi yenila saqchilarning nazariti astida bolup, xadani yoqlap kelgen uruq - tughqan, dostliri saqchilarning so'al - soraqliridin kéyin andin öyge kirishke ruxset qilin'ghan. Chet'ellik dostlar we muxbirlarning bu a'ilige kélip xadani ziyaret qilishi pütünley cheklen'gen bolup, ishik aldidiki nazaretchiler ulargha "Chet'ellik ziyaretchilerning bu a'ililikler qorusigha kirishige ruxset qilinmaydighanliqi" ni uqturghan.

Bu yil 60 yashqa kirgen xada 1989 - yili "Mongghul medeniyitini qutquzush jem'iyiti"qurghan we mongghullar üchün ali aptonom hoquqi telep qilidighan maqalilerni élan qilghan. 1995 - Yili u da'iriler teripidin "Döletni parchilashqa urun'ghan"dégen jinayet bilen eyiblinip, 15 yilliq qamaq jazasigha höküm qilin'ghan. Emma xada ependining 15 yilliq jaza mudditi tolghandin kéyinmu da'iriler uni qoyup bermey qanunsiz halda 4 yil tutup turghan. Xadaning ayali shinnaning qayta - qayta erz qilishi we xelq'ara kishilik hoquq teshkilatlirining eyiblishi bilen da'iriler bultur yil axiri xada ependini öyige qayturghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet