Хәлқара парламентлар иттипақи хитайниң җаза лагерлиридики уйғур аяллириға йүргүзиватқан җинсий хорлашлирини тәкшүрүшни тәләп қилди

Мухбиримиз әркин
2021-02-05
Share

Демократик дөләтләрдики парламент әзалириниң хитайға қарши хәлқара тәшкилати болған парламентларара иттипақи 4-феврал очуқ хәт елан қилип, хитайниң җаза лагерлиридики уйғур қиз-аяллириға йүргүзиватқан җинсий хорлашлириға қарита хәлқара тәкшүрүш елип беришни тәләп қилған. Бу иттипақниң һәр қайси әлләрдики 30 дин артуқ әзаси имза қойған чақириқида, хәлқара җәмийәтниң уйғур аптоном районидики хорлашларға бәкла писәнт қилмайватқанлиқи, "сөз кәлимиләрниң вақти өтүп кәткәнлики" ни билдүргән.

Әнгилийә ахбарати ,BBC 2-феврал күни хитайниң җаза лагерлиридики уйғур қиз-аяллириниң қорқунчлуқ дәриҗидә системилиқ җинсий хорлашқа учраватқанлиқини ашкарлап, дуняни зилзилигә салған. Улар очуқ хәттә хәлқара парламентларара иттипақиниң "шинҗаң җаза лагерлиридики уйғурларни асас қилған аз санлиқ милләтләрниң қорқунчлуқ қийин-қистақ вә басқунчилиққа учриғанлиқиға даир биарам қиларлиқ хәвәрләрдә өз ара бирлишидиғанлиқи" ни билдүргән.

Уларниң тәкитлишичә, BBC да елан қилинған шаһитларниң гуваһлиқи бир қанчә лагердики әхлақсизлиқ вә ғәйри инсаний муамилиләрни ашкарлап бәргән. Улар очуқ хәттә хитайни җавабкарлиққа тартишни тәләп қилип: "биз шинҗаңда йүз бериватқан ирқий қирғинчилиқ вә инсанийәткә қарши җинайәт үстидин б д т башчилиқида хәлқара қануний тәкшүрүш елип беришни, шуниңдәк һәр бир дөләтниң ‹ирқий қирғинчилиққа қарши туруш әһдинамиси' дики мәсулийитигә җавабкар болушини һәмдә җиддий һалда коллектип сиясий һәрикәт қоллинип, бу дәлилләргә инкас қайтурушини чақиримиз," дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт