Xelq'ara parlaméntlar ittipaqi xitayning jaza lagérliridiki Uyghur ayallirigha yürgüziwatqan jinsiy xorlashlirini tekshürüshni telep qildi

Muxbirimiz erkin
2021-02-05
Share

Démokratik döletlerdiki parlamént ezalirining xitaygha qarshi xelq'ara teshkilati bolghan parlaméntlar'ara ittipaqi 4-féwral ochuq xet élan qilip, xitayning jaza lagérliridiki Uyghur qiz-ayallirigha yürgüziwatqan jinsiy xorlashlirigha qarita xelq'ara tekshürüsh élip bérishni telep qilghan. Bu ittipaqning her qaysi ellerdiki 30 din artuq ezasi imza qoyghan chaqiriqida, xelq'ara jem'iyetning Uyghur aptonom rayonidiki xorlashlargha bekla pisent qilmaywatqanliqi, "Söz kelimilerning waqti ötüp ketkenliki" ni bildürgen.

En'giliye axbarati ,BBC 2-féwral küni xitayning jaza lagérliridiki Uyghur qiz-ayallirining qorqunchluq derijide sistémiliq jinsiy xorlashqa uchrawatqanliqini ashkarlap, dunyani zilzilige salghan. Ular ochuq xette xelq'ara parlaméntlar'ara ittipaqining "Shinjang jaza lagérliridiki Uyghurlarni asas qilghan az sanliq milletlerning qorqunchluq qiyin-qistaq we basqunchiliqqa uchrighanliqigha da'ir bi'aram qilarliq xewerlerde öz ara birlishidighanliqi" ni bildürgen.

Ularning tekitlishiche, BBC da élan qilin'ghan shahitlarning guwahliqi bir qanche lagérdiki exlaqsizliq we gheyri insaniy mu'amililerni ashkarlap bergen. Ular ochuq xette xitayni jawabkarliqqa tartishni telep qilip: "Biz shinjangda yüz bériwatqan irqiy qirghinchiliq we insaniyetke qarshi jinayet üstidin b d t bashchiliqida xelq'ara qanuniy tekshürüsh élip bérishni, shuningdek her bir döletning 'irqiy qirghinchiliqqa qarshi turush ehdinamisi' diki mes'uliyitige jawabkar bolushini hemde jiddiy halda kolléktip siyasiy heriket qollinip, bu delillerge inkas qayturushini chaqirimiz," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet