Хәлқара кәчүрүм тәшкилати хитайниң террорлуққа қарши туруш қанун лайиһисини тәнқид қилди

Мухбиримиз ирадә
2015-03-05
Елхәт
Пикир
Share
Принт

Хәлқара кәчүрүм тәшкилати хитайниң террорлуққа қарши туруш қанун лайиһисини хәлқара кишилик һоқуқ қанунлириға хилап дәп тәнқид қилди. Улар бу қанун лайиһисиниң болупму уйғурлар үстидики бесимни ашуруветидиғанлиқини билдүрди.

Кәчүрүм тәшкилатиниң хитай ишлири тәтқиқатчиси виллиям ни бүгүн германийә авази мухбириниң зияритини қобул қилғанда, хитай мақуллаш алдида турған бу қанун лайиһисиниң хитай пуқралириниң пикир вә сөз әркинликигә техиму зор тәһдит яритиватқанлиқини ейтти.

У сөзидә лайиһидики террорлуққа вә әсәбийликкә берилгән тәбирниң кәң даирилик икәнлики, шуңа буниң һөкүмәткә өзи яқтурмайдиған һәрқандақ бир пикирни «әсәбийлик» дәп җазалаш пурсити туғдуридиғанлиқини агаһландурған.

У, бу қанун лайиһисиниң һөкүмәтни «террорлуқ яки әсәбийлик» кә мәйли бар, дәп гуманланған кишиләрниму қанунсиз һалда тутқун қилиш, сотсиз тутуп туруш вә яки һәр хил өзгәртиш-тәрбийиләштин өткүзүшигә пурсәт яритип беридиған шәкилдә лайиһәләнгәнликини әскәртип, хитай һөкүмитини мәзкур лайиһини мақуллимаслиққа вә уни қайта көздин кәчүрүп чиқип, хәлқара қанунларға мас һалда түзәп чиқишқа чақирған.

У сөзидә, мәзкур қанун лайиһисиниң хитайниң диний әркинликкә қоюватқан чәклимиси, болупму уйғурларниң диний әркинликини бастурушни, қаттиқ зәрбә бериш һәрикәтлирини қанунлаштуруп, бесимни техиму күчәйтишигә йол ечип беридиғанлиқини агаһландурған.

Пикирләр (0)
Share
Толуқ бәт