Xelq'ara kechürüm teshkilati xitayning térrorluqqa qarshi turush qanun layihisini tenqid qildi

Muxbirimiz irade
2015-03-05
Élxet
Pikir
Share
Print

Xelq'ara kechürüm teshkilati xitayning térrorluqqa qarshi turush qanun layihisini xelq'ara kishilik hoquq qanunlirigha xilap dep tenqid qildi. Ular bu qanun layihisining bolupmu Uyghurlar üstidiki bésimni ashuruwétidighanliqini bildürdi.

Kechürüm teshkilatining xitay ishliri tetqiqatchisi williyam ni bügün gérmaniye awazi muxbirining ziyaritini qobul qilghanda, xitay maqullash aldida turghan bu qanun layihisining xitay puqralirining pikir we söz erkinlikige téximu zor tehdit yaritiwatqanliqini éytti.

U sözide layihidiki térrorluqqa we esebiylikke bérilgen tebirning keng da'irilik ikenliki, shunga buning hökümetke özi yaqturmaydighan herqandaq bir pikirni "Esebiylik" dep jazalash pursiti tughduridighanliqini agahlandurghan.

U, bu qanun layihisining hökümetni "Térrorluq yaki esebiylik" ke meyli bar, dep gumanlan'ghan kishilernimu qanunsiz halda tutqun qilish, sotsiz tutup turush we yaki her xil özgertish-terbiyileshtin ötküzüshige purset yaritip béridighan shekilde layihelen'genlikini eskertip, xitay hökümitini mezkur layihini maqullimasliqqa we uni qayta közdin kechürüp chiqip, xelq'ara qanunlargha mas halda tüzep chiqishqa chaqirghan.

U sözide, mezkur qanun layihisining xitayning diniy erkinlikke qoyuwatqan cheklimisi, bolupmu Uyghurlarning diniy erkinlikini basturushni, qattiq zerbe bérish heriketlirini qanunlashturup, bésimni téximu kücheytishige yol échip béridighanliqini agahlandurghan.

Toluq bet