Xelq'ara kechürüm teshkilati xitayni "Istixbarat qanun layihisi" ni bikar qilishqa chaqirdi

Muxbirimiz méhriban
2017-06-06
Élxet
Pikir
Share
Print

Xelq'ara kechürüm teshkilati 5-iyun küni tor békitide bayanat élan qilip, xitayni xelq qurultiyi maqullighan "Istixbarat qanun layihisi" ni bikar qilishqa chaqirdi.

Xelq'ara kechürüm teshkilatining bayanatida xitay teripidin élan qilin'ghan "Istixbarat qanun layihisi" tenqidlinip, "Mezkur qanun layihisidiki maddilar ijra qilin'ghanda puqralar shexsi uchurliri we shexsi turmush alaqiliri seweblikmu dölet bixeterlikige tehdit élip keldi dégendek müjmel qalpaqlar kiydürülüp basturushqa we ziyankeshlikke uchrishi mumkin, mana bu ehwal bizni endishige séliwatidu" déyilgen.

Bayanatta yene, "Istixbarat qanun layihisi" de otturigha qoyulghan qanuniy belgilimilerning müjmelliki tilgha élinip, xitayda bu xil qanuniy belgilimilerni nazaret qilish sistémisi yoqluqi tekitlen'gen, bu ehwallar xitay bixeterlik xadimliri we saqchilargha puqralarni xalighanche tutqun qilish, soraq qilishtek imtiyazlarni bérip, puqralarning shexsiyitige a'it uchurlarningmu saqchilarning nazaret da'irisige kirip kétidighanliqini agahlandurghan.

Xitayning beydu toridin melum bolushiche, "Istixbarat qanun layihisi" 19-may küni xitay xelq qurultiyida otturigha qoyulghan. Xitay taratqulirida uning meqsiti heqqide toxtilip, mezkur qanunning xitay dölet istixbarat orunlirining dölet bixeterlikige a'it uchurlarni toplash we wezipe ijra qilish jeryanidiki xizmet tertipliri we hoquqining qanuniy kapaletke ige qilinishi üchün tüzülgenliki eskertilgen.

Toluq bet