18-Qétimliq xelq'araliq merkizi yawro-asiya muhakime yighinida Uyghur témisigha keng orun bérildi

Muxbirimiz ümidwar
2017-10-08
Élxet
Pikir
Share
Print

5-8-Öktebir künliri amérikaning siyatil shehirige jaylashqan washin'gton uniwérsitétining sahibxaniliqida merkizi yawro-asiya ilmi jem'iyitining 18-qétimliq yilliq xelq'araliq muhakime yighini ötküzülgen bolup, mezkur ilmiy muhakime yighinda Uyghurlargha a'it ikki mexsus muhakime meydani tesis qilin'ghan.

Yighinning birinchi künide mexsus "Hazirqi zaman Uyghur jem'iyiti: en'ene we almishish" dégen téma astida ayrim muhakime meydani hazirlinip, buningda kansas uniwérsitétidiki ataqliq Uyghurshunas proféssor ariyen dwéyérning riyasetchilikide bir qisim amérikaliq Uyghurshunaslar we Uyghur mutexessisler Uyghur edebiyati, medeniyiti mesililirini muhakime qilghan. Proféssor jaymés milwardning riyasetchilikide "Merkizi asiyadiki shinjang: medeniyet we jughrapiyilik baghlinishlar" dégen téma astida bir qisim tonulghan Uyghurshunaslar Uyghurlarning medeniyiti, siyasiy jughrapiyisi, iqtisadiy mesililirini muhakime qilghanbulardin bashqa yene bir qanche neper mutexessis ayrim muhakime meydanliridimu Uyghurlarning tarixi,tili, siyasiy mesilisi, chet'ellerdiki ehwali we bashqilar heqqidiki a'it doklatlirini oqup ötken bolup, merkizi yawro-asiya ilmi jem'iyitining bu qétimliq yighinida Uyghurlargha a'it oqulghan doklatlarning sani ilgiriki qétimliq yighinlardikige qarighanda nisbeten kop bolghan. 

Mutexessislerning qarishiche, nöwette amérika, türkiye, we bir qisim yawropa elliride Uyghurshunasliq we Uyghur rayoni tetqiqati bilen shughullinish köpiyishke yüzlenmekte.

Toluq bet