Xelq'ara jinayi ishlar soti xitay hökümitini “Tajsiman wirusni biyologiyelik qoral süpitide ishlitish bilen eyibligen délo” gha qarap chiqidiken

Muxbirimiz irade
2020.04.09

Xelq'ara jinayi ishlar sot mehkimisi xitay hökümitini “Tajsiman wirusni biyologiyelik qoral süpitide ishlitish bilen eyibligen erz höjjiti” ge qarap chiqidighanliqini bildürgen.

Amérikaliq adwokat larriy klayman yéqinda xitay hökümitini biyologiyelik qorallarni tereqqiy qildurush bilen eyibligen we “Xitay xelq jumhuriyitining insaniyetke qarshi jinayiti we qanunsiz biyologiyelik qorallarni yasash arqiliq qirghinchiliq qilghanliqini eyiblesh heqqidiki erz” dep mawzu qoyulghan 27 betlik erznamini xelq'ara jinayi ishlar sotigha yollighan iken.

“Xelq'ara tijaret waqti” namliq gézitning xewer qilishiche, merkizi gollandiyede bolghan xelq'ara jinayi ishlar sot mehkimisi adwokat larriy klayman'gha mektup qayturup, uning xitay hökümiti üstidin sun'ghan erzige qarap chiqiliwatqanliqini uqturghan.

Xelq'ara jinayi ishlar sot mehkimisi uchur we delil-ispatlar bölümining bashliqi mark p. Dillon ependi klayman'gha ewetken xétide “Biz xelq'ara jinayi ishlar sotining ‛rim nizamnamisi‚ diki belgilimisige asasen bu erzni oylishimiz,” dégen. Biraq jawab xétide eskertilishiche, bu hergizmu xitay üstidin tekshürüsh échilghanliqi yaki teptish da'irilirining tekshürüsh bashlighanliqidin dérek bermeydiken.

Emma klayman özining “Xelq'ara jinayi ishlar sotining jinayi ishlar boyiche tekshürüsh élip bérip, xitay rehberlirini eyibleydighanliqigha ishinidighanliqini” éytqan.

Amérikaliq adwokat, “Erkinlikni közitish teshkilati” ning qurghuchisi lariy klayman korona wirusning bashqa döletlerni nishanlap layihelen'gen biyologiye'ilik urush qorali ikenlikini ispatlaydighan pakitlar barliqini ilgiri sürgen. Erznamide xitay re'isi shi jinping, xitay xelq azadliq armiyisi we wuxen wirus tetqiqat merkizi qatarliq organ we shexsler asasliq jawabkar süpitide körsitilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.