«Шәрқий түркистан сүргүн һөкүмити» билән «шәрқий түркистан миллий ойғиниш һәрикити» хәлқара җинайи ишлар сотиға чақириқ қилди

Мухбиримиз ирадә
2020-07-07
Елхәт
Пикир
Share
Принт

6-Июл күни «шәрқий түркистан сүргүн һөкүмити» дәп аталған орган билән «шәрқий түркистан миллий ойғиниш һәрикити» бирликтә хәлқара җинайи ишлар сот мәһкимисигә хитай һөкүмитиниң уйғурларға ирқий қирғинчилиқ йүргүзүватқанлиқи вә инсанийәткә қарши җинайәт ишләватқанлиқи һәққидә әрзнамә йоллиғаниди.

Юқиридики бу икки орган бүгүн, йәни 7-июл күни америка пайтәхти вашингтон вә голландийәниң дәнһаг(гаага) шәһәрлиридә бирла вақитта ахбарат елан қилиш йиғини өткүзүп, хәлқара җинайи ишлар сотини әрзнамини көрүп чиқишқа вә хитайни җазалашқа чақирған.

Фейисбук арқилиқ тарқитилған ахбарат йиғинида «шәрқий түркистан миллий ойғиниш һәрикити» башлиқи салиһ худаяр, «шәрқий түркистан сүргүн һөкүмити» президенти ғолам осман қатарлиқлар вә шундақла голландийәдики лагер шаһити өмәрбекали қатарлиқлар сөз қилған. Арқидин йәнә, бу әрзнамини тәйярлап сунған адвокатлар әрзнамидики мәзмунлар һәққидә мәлумат бәргән.

6-Июл күни, «ню-йорк вақти гезити» юқиридики бу әрзнамә һәққидә хәвәр тарқатқаниди. Униңда ейтилишичә, 80 бәтлик әрзнамидә ши җинпиң қатарлиқ уйғурларни бастурушта җавабкарлиқи бар 30 дин артуқ хитай әмәлдарини җавабкарлиққа тартиш тәләп қилинғаникән. Хитай гәрчә хәлқара җинайи ишлар сот мәһкимисигә әза болмисиму, лекин бу дело хитайниң җинайитигә қарита хәлқара назарәтни күчәйтидикән.

Мәлум болушичә, бу хитайниң уйғурларни бастурушини җавабкарлиққа тартиш тоғрисида хәлқара җинайи ишлар сот мәһкимисигә сунулған тунҗи әризнамә болуп һесаблинидикән.

Пикирләр (0)
Share
Толуқ бәт