Uyghur rézhissor seypulla mutellip ishligen “Qarangghu tagh” namliq höjjetlik filim amérikida yaxshi inkas qozghighan

Amérikidiki merkiziy asiya tetqiqatigha béghishlan'ghan ilmiy tor bet - sino-türkika tori yéqinda Uyghur rézhissor seypulla mutellip ishligen “Qarangghu tagh” namliq höjjetlik filim heqqide mexsus obzor élan qilghan.

Obzorda höjjetlik filim “Qarangghu tagh” ning yéqinda nyuyorktiki kolombiye uniwérsitétida oqughuchi,oqutquchilargha körsitilgenliki we yaxshi inkas peyda qilghanliqi ilgiri sürülgen. Neq meydanda yene seypulla mutellipning rézhissorluqida ishlen'gen yene bir hékaye filim körsitilgen. Mezkur filim yazghuchi memtimin hoshurning “Bugha” namliq hékayisi asasida sinariyeleshtürülüp ishlen'gen iken.

Melumki, qarangghu tagh xotendin hindistanning keshmir rayonigha ötüshtiki muhim bir yol éghizi. 19-Esirning ikkinchi yérimidin 20-esirning otturilirigha qeder qarangghu tagh yawropaliq ékispéditsiyechilerning küchlük diqqitini qozghighan. Seypulla mutellip rézhissorluq qilghan mezkur höjjetlik filimda qarangghu taghning bügünki ré'al körünüshliri chinliq bilen yorutulghan iken.