B b s “Saqalsiz we hijabsiz yashawatqan Uyghurlar” namliq süretlik xewer élan qilghan

Muxbirimiz qutlan
2017.03.20

18-Mart küni b b s ning asiya xewerliri sehipiside “Saqalsiz we hijabsiz yashawatqan Uyghurlar” namliq mexsus bir süretlik xewer élan qilin'ghan.

B b s ning Uyghur diyarigha barghan muxbirlirining neq meydandin alghan sin matériyalliri asasida ishlen'gen bu süretlik xewerde bügünki Uyghurlarning xitayning yuqiri bésimliq siyasiti astidiki kündilik hayati eks-ettürülgen.

Xotenning guma nahiyesidin neq meydan körünüshliri alghan mezkur süretlik xewerde ötken aydiki pichaqliq hujumdin kéyin guma nahiyesining qatmu-qat saqchi we tekshürüsh tosaqlirining qorshawigha élin'ghan jiddiy keypiyati yorutup bérilgen.

Xewerde islam dinigha étiqad qilidighan yerlik Uyghurlarning xitaydin ibaret bu “Saqchi döliti” ning yuqiri bésimliq teqibi we diniy cheklimisi astida “Saqalsiz, hijabsiz” yashawatqanliqi, meschitlerge bolghan kontrolluqning mislisiz derijide kücheygenliki körsitilgen.

Közetküchiler, b b s tarqatqan mezkur süretlik xewerning 14-féwraldiki guma pichaqliq hujumidin kéyin xoten'ge baralighan intayin az sandiki chet'el taratqulirining neq meydan xewiri ikenlikini alahide tekitlimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.