Awstraliyediki musulmanlar féstiwalida Uyghur mesilisi otturigha qoyuldi

Muxbirimiz erkin
2018-07-20
Élxet
Pikir
Share
Print

"Köp xil medeniyet, héyt we körgezme féstiwali" awstraliyediki musulmanlarning eng chong medeniyet pa'aliyiti bolup, mezkur féstiwalda Uyghur mesilisi dunyadiki 5 chong kishilik hoquq depsendichilikining biri, dep élan qilghan.

"Awstraliyelik musulmanlar waqti" torining xewer qilishiche, awstraliye musulmanlirining "Köp xil medeniyet, héyt we körgezme féstiwali" yéqinda sidnéy shehiride ötküzülgen.

Awstraliyediki her qaysi musulman jama'etlirining mezkur féstiwali 1985‏-yildin béri ötküzülüp kéliwatqan bolup, bu féstiwalni "Awstraliye ma'arip we parawanliq islam wexpi" namliq organ uyushturghan. Awstraliyediki Uyghurlar her yili bu pa'aliyetke qatniship kéliwatqan idi.

Bu yilliq féstiwal yéqinda sidnéy shehiride ötküzülgen. Féstiwalda kishilik hoquq mesilisi heqqide yighin ötküzülüp, birma, xitay, gaza we keshmirdiki kishilik hoquq depsendichilikliri hem gherbtiki siyasiy panahliq tiligüchiler we musapirlar mesilisi muhakime qilin'ghan.

Yighinda sidnéy shehiride olturushluq Uyghur pa'aliyetchi zulpiye erk, Uyghurlarning nöwettiki weziyiti heqqide doklat bérip, Uyghurlarning xitay da'irilirining basturushi we jazalishigha uchrawatqanliqini bildürgen.

"Awstraliyelik musulmanlar waqti" torining xewiride qeyt qilinishiche, zulpiye erk "Uyghurlarning xitaylargha tégishke mejburliniwatqanliqi, basqunchiliqqa uchrawatqanliqi, lagérlarda ménge yuyushqa tutuluwatqanliqi, diniy ibadetlirining cheklinip, kemsitishke uchrawatqanliqi" ni tekitligen.

Xewerde bayan qilinishiche, yighinning axbaratida Uyghur mesilisi bu yilqi 5 kishilik hoquq mesilisining biri, dep tekitlinip, "Xitay da'irilirining Uyghurlargha tutqun mu'amilisining diqqet qozghimasliqi qattiq endishe qozghaydu.

Xewerlerde bir milyon Uyghurning dinsizlashturush üchün ménge yuyush lagérlirigha solan'ghanliqi, normal diniy ibaditi we roza tutushi cheklen'genliki" ilgiri sürülgen.

Toluq bet