Xelq'ara kechürüm teshkilati büzeynep abduréshitning derhal qoyup bérilishini telep qildi

Muxbirimiz erkin
2017-09-29
Share

Xelq'ara kechürüm teshkilati 28‏-séntebir jiddiy bayanat élan qilip, xitay da'irilirini Uyghur wijdan mehbusi büzeynep abduréshitning ehwalini ashkarilashqa, uning adil sotlan'ghan-sotlanmighanliqi, heq-hoquqlirigha hörmet qilin'ghan-qilinmighanliqini éniqlashqa chaqirghan.

Xelq'ara kechürüm teshkilati bayanatida yene, da'iriler uning jinayet sadir qilghanliqigha yéterlik delil körsitip bérelmise, derhal qoyup bérishni telep qilghan.

Büzeynep burun misirda 2 yil oqughan bolup, 2015‏-yili yurtigha qaytip ketken.

Xelq'ara kechürüm teshkilatining bildürüshiche, u, yurtigha qaytip kétip 2 yildin kéyin qolgha élin'ghan. Mezkur teshkilat bayanatida, büzeynepning bu yil martta ata-anisining ürümchidiki öyide qolgha élin'ghanliqini, uning aqsugha élip bérilip, iyunda sotlan'ghanliqi we 7 yilliq qamaq jazasigha höküm qilin'ghanliqini bildürgen.

Xitay hökümiti ötken yilning axirliridin bashlap misirda oquydighan Uyghur oqughuchilarning yurtidiki ata-anilirigha bésip ishlitip, zor bir türküm oqughuchilarni qaytip kélishke mejbur qilghan. Qaytip kelgen bir qisim oqughuchilar iz déreksiz yoqap ketken idi.

Xelq'ara kechürüm teshkilati, büzeynepning tutqun qilinishi xitayning Uyghurlargha qarshi élip bériwatqan keng-kölemlik basturush herikitining bir qismi bolushi mumkinlikini eskertip, xitay da'irilirini "Uning a'ilisi we özi xalighan adwokat bilen normal, dexli-teruzsiz uchurushushigha, ten jazasi we bashqa qopal mu'amilige uchrimasliqigha kapaletlik qilish" qa chaqirghan.

Ular yene xitayning büzeynepni "Xelq'ara ölchemlerge asasen qayta sotlap, eger uning xelq'ara birdek étirap qilghan birer jinayet sadir qilghanliqigha yéterlik delil körsitip bérelmise, uni derhal qoyup bérishi" ni telep qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.