Xelq'ara kechürüm teshkilati xitayning Uyghur siyasitini qattiq eyiplidi

Muxbirimiz alim séytof
2020-02-01
Élxet
Pikir
Share
Print

Xelq'ara kechürüm teshkilati 30-yanwar küni özining 2020-yilliq kishilik hoquq dokladini élan qilip, xitay hökümitining Uyghurlargha qaratqan basturish siyasitini qattiq eyiplidi.

Bu dokladta éytilishiche, xitay hökümiti2019 ‏-yili atalmish "Térorluq" we "Bölgünchilik" ni bahane qilip turup Uyghurlargha yürgüziwatqan basturushlirini alahide kücheytgen. Dokladta yene xitay hökümiti atalmish "Kespiy maharet terbiyelesh merkezliri" ni kéyinche taqiwétidighanliqini bildürgen bolsimu, emma uning Uyghur we qazaq qatarliq musulman milletlerni tutqun qilishi hélihem dawamlashqan.

Xelq'ara kechürüm teshkilati her yili bir qétim yilliq kishilik hoquq dokladi élan qilidighan bolup, bu qétimqi dokladida xitay hökümitining Uyghur diniy zatliri, ziyaliyliri we ilim igilirining özlirining qanuniy söz we diniy erkinlikini qollan'ghanliqi üchünla ziyankeshlikke uchrighanliqini alahide eskertken. 

Xelq'ara kechürüm teshkilati "Nyo-york waqti géziti" ötken yili noyabirda élan qilghanxewiride xitayning mexpiy höjjetliri ichidiki mezmunlarning lagér shahidlirining bergen guwahliqlirigha uyghun ikenlikini bildürürgen. Uningda yene bu höjjetler xitay hökümitining Uyghurlarni tutup turuwatqan lagérlarning atalmish "Kespiy maharet terbiyelesh merkezliri" emeslikini ispatlaydu, déyilgen.

Toluq bet