Chet'el unwérsitit oqughuchilirining Uyghur mesilisi heqqidiki tonushi artmaqta

Muxbirimiz irade
2019-10-29
Élxet
Pikir
Share
Print

Kanadadiki "Simon Fraser University" ning heptilik oqughuchilar zhornilida Uyghurlarning weziyiti heqqide bir mulahize maqalisi élan qilindi.

Mezkur maqalide, xitay hökümitining nöwette Uyghur élide 3 milyon etrapida Uyghur, qazaq qatarliq yerlik musulman milletlerni lagérgha qamap, ularning milliy we dini kimlikini öchürüshke heriket qiliwatqanliqi tonushturulghan. Maqalide "Irqiy qirghinchiliq, milliy tazilash heriketliri ötmüshte qalmidi. Jümlidin yighiwélish lagérlirimu hem shundaq. Xitayning shinjang rayonida da'iriler 3 milyon etrapida Uyghur, qazaq we bashqa musulman milletlerni tutup turush orunlirida tutup turmaqta" dep yézilghan. 

Maqalide, "Xitay hökümiti musulmanlarni öz puqraliri arisidin yoqitishni meqset qilghan bolsimu, emma dunyaning buninggha qarap turuwatqanliqi, hetta kanadadiki bezi unwérsititlarda xitay hökümet teshwiqatchilirining bu lagérlarni 'kespiy maharet bilen terbiyelesh' merkizi dep teshwiq qilishigha yol qoyulghanliqi "Tenqid qilin'ghan: uningda yene "Xitay hökümitining bir milletning medeniyitini yoq qilishini normallashturushqa bolmaydu" dep eskertilgen. 

Melum bolushiche, yéqindin buyan chet'ellerdiki aliy mektep oqughuchilirining Uyghur élidiki lagérlar mesilisi heqqidiki tonushi xéli ösken. 

28-Öktebir küni, en'gliyediki unwérsititlarda oquydighan bir qisim oqughuchilar londondiki bash ministirliq binasi aldida namayish qilip, Uyghurlarning mesilisige diqqet tartqan. Mezkur oqughuchilarning tiwittir, feysbuk qatarliq ijtima'iy taratqular arqiliq tarqatqan widiyoliridin melum bolushiche, namayishchi oqughuchilar xitay hökümitini lagirlardiki Uyghurlarni qoyuwétishke we yalghanchiliq qilip dunyani aldashni toxtutushqa chaqirghan.

Toluq bet