Amérikidiki xristi'an muritliri: "Xitay Uyghur musulmanlirini azablashqa xatime bérishi kérek"

Muxbirimiz erkin
2018-12-07
Élxet
Pikir
Share
Print

Xitayning Uyghurlarni keng kölemlik lagérlargha qamap, ulargha jismaniy we rohiy azap sélishi amérikidiki yerlik xristi'an we musulman diniy zatlirini bi'aram qilishqa bashlighan. 6‏-Noyabir küni amérikining pénsilwaniye shatatidiki 7 neper xristi'an we musulman diniy zat "Sübhiy chaqiriqi" namliq yerlik tor zhurnilida mektup élan qilip, xitayning "Uyghur musulmanlirini azaplashqa xatime bérishi" ni telep qilghan. Mektup léxay chérkawlar kéngishi dinlar ara di'alo'ig heriket komitéti, namliq organning taréq kamal, xristi'an diniy wa'i'izi tomas kormiyér, timotiy bin'gham, mari'a télwét, tomas tomas, lariy pikins we samina antoniy qatarliqlar 7 neper ezasi teripidin élan qilin'ghan. Mektupta, amérika xelqi Uyghurlarning teqdirige köngül bölüshke chaqirilip, "Xitay hökümitining bir milyondek Uyghurni qanunsiz 'qayta terbiyelesh'jaza lagérlirigha qamighanliqi we ularning musulman diniy étiqadini yoqitishqa urunuwatqanliqi" tekitlen'gen. Mektupta, birsining öyidin bir tal qur'an chiqip qalsa yaki qoshnisigha "Essalamu eleykum" dep salam bérip qoysa, bu Uyghurning lagérgha élip kétilidighanliqi, uning lagérda ménge yuyushqa we jismaniy ten jazasigha uchraydighanliqi bildürülgen. Mektupta yene balilarning a'ilisidin ayriwétilgenliki, bezi emeldarlar we shirketlerning mezkur rayonda yüz bériwatqan "Kishilik hoquq krizisi" gha ishtirak qilghanliqigha da'ir xewerlerning barliqi eskertilip, "Xitay hökümiti bu bayanlarni ret qilsimu, biraq u chet'el közetküchilirining bu rayon'gha kirishini cheklimekte" déyilgen. Mektup axirida mundaq déyilgen: "Biz xitay hökümitining Uyghurlarning islami étiqadini yoqitishtek bu xil urunishidin nepretlenmektimiz".

Amérika hökümet emeldarlirining bildürüshiche, nöwette Uyghur rayonidiki "Qayta-terbiyelesh lagérliri" da 800 mingdin 2-3 milyon'ghiche Uyghur we bashqa musulman xelqler turup turulmaqta iken. 

Nöwette xitay lagérlar mesiliside gherb ellirining küchlük bésimigha duch kelmekte. Yéqinda 15 gherb döliti we yawropa ittipaqining béyjingda turushluq bash elchiliri chén chü'en'gogha xet yézip, uning bilen sözlishishni telep qilghan. Lékin xitay hökümiti gherb bash elchilirining mektupigha ijabiy inkas qayturmighan idi.

Toluq bet