"Döletlik nezer" zhurnili: xitayning marksizmliq mushtumzorluqigha sel qaralmasliqi kérek

Muxbirimiz erkin
2018-07-11
Élxet
Pikir
Share
Print

Amérikidiki "Döletlik nezer" tor zhurnilida 10‏-iyul élan qilin'ghan bir maqalida, gherb xitay markisizimining Uyghur rayonidiki mushtumzorluqigha qarap turmasliqqa chaqirildi.

Maqalida, gherblik siyasetchiler, ziyaliylar, zhurnalistlar we karxanichilarning xitayni kökke kötürüp, uning zor islahatlarni élip barghanliqidek fantaziyelerge ishinip kelgenliki tenqid qilin'ghan.

"Xitayning marksizmliq mushtumzorluqigha sel qaralmasliqi kérek" serlewhilik maqalida, gherbning xitayni izchil xata chüshinip, uning "Kündilik hayatining zamaniwilishish we gherblishishi, kishiler qiyas qilalmighudek derijide güllinish yoligha qarap mangghan" dep qaralghanliqi, biraq uning Uyghurlargha tutqan siyasiti gherbning xitay toghrisidiki yuqiriqi chüshenchilirini aghdurup tashlighanliqi tekitlen'gen.

Maqalida, kanada "Yer shari we pochta géziti" ning yéqinda élan qilghan Uyghurlar heqqidiki xewiri, zhurnalist jéy nordlin'gérning bu yil 5‏-ayda "Döletlik nezer" zhurnilida élan qilin'ghan maqalisi neqil keltürülüp, xitayning Uyghurlarni xeterlik islamchilar, dep qarap, ulargha qarshi yürgüzgen "Stalinche tedbirliri amérikiliq eng qattiq qol islamifobistlarni yolda qoyghanliqi" tekitlen'gen.

Kanada "Yer shari we pochta géziti" ning yéqinda élan qilghan xewiride, yighiwélish lagérida yétip chiqqan bir Uyghur ayalni ziyaret qilin'ghan. U, yighiwélish lagérlirida tutqunlarning her küni öz medeniyiti, diniy étiqadini söküshke, shi jinpingni medhiyeleshke mejburlinidighanliqini bildürgen idi.

"Döletlik nezer" zhurnilidiki maqalida, bu ayalning sözide "Béyjingning ménge yuyush téxnikisining qorqunchluq détali ipadilep bérilgenliki" eskertilip, "Dindar Uyghurlarning ita'etkar, xudasiz mashinilargha özgertilishi xitay siyasiy sistémisining dunyaning bashqa jayida mewjut bolmighan ghelite sistéma ikenlikining alamitini körsitip béridu" déyilgen.

Toluq bet