San fransisko ayrodromida Uyghurlargha qarshi chiqqanlar kimler?

Washin'gtondin muxbirimiz jewlan teyyarlidi
2023.11.15

11-Ayning 14-küni, amérikaning san-fransisko shehiride ötküzülidighan “Asiya-tinch okyan iqtisadiy hemkarliq yighini” gha qatnishish üchün kelgen xitay re'isi shi jinping katta daghdugha bilen kütüwélin'ghan. Hökümetke mayil “Tangjyang yurtdashlar uyushmisi” dégendek xitay teshkilatliri oqughuchilarni teshkillep, namayishchilargha qarshi pa'aliyet élip barghan.

Bu küni Uyghur, tibet, xongkong we teywen namayishchiliri shi jinpinggha qarshi namayish qilghan bolup, Uyghur namayishchilar shi jinping ötidighan yol boyida ay-yultuzluq kök bayraqni chiqirip, “Uyghur irqiy qirghinchiliqini toxtat!” dep sho'ar towlighan. Shi jinpingni qollaydighan we uni kütüwélishqa chiqqan xitaylarmu qizil bayraqlirini kötürüp shu yerge kélip, namayishchilargha heywe körsetken.

Namayishchilarni az sanliq orun'gha chüshürüp, ularning awazini bésiqturushqa urun'ghan bu atalmish “Shi jinpingning qollighuchiliri” emeliyette hökümetke mayil xitay teshkilatliri uyushturghan kütüwélish pa'aliyitige qétilghanlar iken.

14-Noyabir küni, “Tibetke erkinlik oqughuchilar uyushmisi” ning X de chiqarghan widiyosida, bir tibet oqughuchi bu oqughuchilargha xitay terepning azraqtin pul we chüshlük tamaq bérip bu yerge élip kelgenlikini éytqan. Shundaqla ulargha qaritip turup “Mawu xitay oqughuchilar irqiy qirghinchiliq yürgüzgen hakimiyetni qollap, bu yerde nomus qilmay qarap turmaqta. Ularning wijdani yoqmu?”” dep so'al qoyghan.

Radiyomiz xitay bölümining bergen xewiride éytilishiche, 14-noyabir küni, shi jinping chüshidighan ayrodromning sirtida shi jinpinggha qarshi turghuchilar bilen shi jinpingni qollighuchilar arisida toqunush yüz bergen. Saqchilar ulargha mudaxile qilghan. “Shi jinpingning qollighuchiliri” aptobusta toshup kélin'gen oqughuchilar bolup, ular “Qizil bayraq lepildeydu” dégendek muzikilarni qoyghan, namayishchilar ulargha qarshi halda matem muzikisini qoyghan. Namayishtin kéyin bu oqughuchilar pa'aliyitini tügitip, yene aptobus bilen u yerdin ayrilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.