Ши җинпиң һәрбий саһәсидики муһим хадимларни алмаштурушқа башлиған

Мухбиримиз җүмә
2017-09-02
Share

 

Хитай коммунист партийәсиниң 19-нөвәтлик қурултийи башлиниш һарписида хитай рәиси ши җинпиң һәрбий саһәсидики муһим хадимларни алмаштурушқа вә йеқинлирини юқири дәриҗилик һәрбий әмәлләргә қоюшқа башлиған.

Ройтерсниң хәвәр қилишичә, бу нөвәт алмаштурулған һәрбий әмәлдарлар ичидә қуруқлуқ армийә вә һава армийәлириниң қоманданлири бар икән.

Хәвәргә қариғанда, хән вейго хитай қуруқлуқ армийәсиниң баш қомандани қилип өстүрүлгән. Хәвәрдә көрситишичә, хән вейго әслидә бу юқири орунға лайиқ орунда болмисиму,  2015-йилидин буян уда үч қетим тиз сүрәттә өстүрүлүп бу орунға һазирланған икән. 

У әслидә бейҗиңни өз ичигә алған мәркизий һәрбий районниң командирлиқ вәзиписини өтигән икән. Униңдин башқа диң ләйхаңниң һава армийә қомандани қилип тәйинләнгәнлики хитай дөләт мудапиә министирлики тәрипидин җүмә күни елан қилинған.

Униңдин башқа хитайниң йеңи деңиз армийә қомандани шен җиңлоң бу йил январда мәзкур орунға тәйинләнгән.

Хәвәрдә нәқил елип көрситишичә, бу иштин хәвәрдар кишиләр шенниң ши җинпиң билән ичқоюн-ташқоюн икәнликини билдүрүшкән. 

Униңдин башқа хитай қуруқлуқ армийәсиниң сабиқ баш қомандани ли зочең хитай мәркизий һәрбий комитети бирләшмә штаб башлиқлири бөлүминиң баш штаб башлиқи қилип өстүрүлгән. 

РОЙтерста көрситишичә, юқирида тилған елинған аталмиш мәркизий һәрбий ишлар комитети бирләшмә штаб башлиқлири бөлүмини ши җинпиң өткән йили өз қоли билән қуруп чиққан болуп, мәзкур бөлүм униң һәрбий ислаһатидики һалқилиқ оруп болуп һесаблинидикән. 

Японийәдин чиқидиған асия никкей хәвәрләр торида көрситишичә, һәрбий саһәсидики бу хил тәңшәш, хитай рәиси ши җинпиңниң бу йил күздә ечилидиған партийә қурултийидин аввал өзиниң һоқуқини техиму мустәһкәмләшкә тиришиватқанлиқини көрситидикән.

Хитай даирилири хитай компартийиси 19-нөвәтлик қурултийиниң 18-өктәбир ечилидиғанлиқини елан қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт