Shi jinping herbiy sahesidiki muhim xadimlarni almashturushqa bashlighan

Muxbirimiz jüme
2017-09-02
Share

 

Xitay kommunist partiyesining 19-nöwetlik qurultiyi bashlinish harpisida xitay re'isi shi jinping herbiy sahesidiki muhim xadimlarni almashturushqa we yéqinlirini yuqiri derijilik herbiy emellerge qoyushqa bashlighan.

Roytérsning xewer qilishiche, bu nöwet almashturulghan herbiy emeldarlar ichide quruqluq armiye we hawa armiyelirining qomandanliri bar iken.

Xewerge qarighanda, xen wéygo xitay quruqluq armiyesining bash qomandani qilip östürülgen. Xewerde körsitishiche, xen wéygo eslide bu yuqiri orun'gha layiq orunda bolmisimu,  2015-yilidin buyan uda üch qétim tiz sürette östürülüp bu orun'gha hazirlan'ghan iken. 

U eslide béyjingni öz ichige alghan merkiziy herbiy rayonning komandirliq wezipisini ötigen iken. Uningdin bashqa ding leyxangning hawa armiye qomandani qilip teyinlen'genliki xitay dölet mudapi'e ministirliki teripidin jüme küni élan qilin'ghan.

Uningdin bashqa xitayning yéngi déngiz armiye qomandani shén jinglong bu yil yanwarda mezkur orun'gha teyinlen'gen.

Xewerde neqil élip körsitishiche, bu ishtin xewerdar kishiler shénning shi jinping bilen ichqoyun-tashqoyun ikenlikini bildürüshken. 

Uningdin bashqa xitay quruqluq armiyesining sabiq bash qomandani li zochéng xitay merkiziy herbiy komitéti birleshme shtab bashliqliri bölümining bash shtab bashliqi qilip östürülgen. 

ROYtérsta körsitishiche, yuqirida tilghan élin'ghan atalmish merkiziy herbiy ishlar komitéti birleshme shtab bashliqliri bölümini shi jinping ötken yili öz qoli bilen qurup chiqqan bolup, mezkur bölüm uning herbiy islahatidiki halqiliq orup bolup hésablinidiken. 

Yaponiyedin chiqidighan asiya nikkéy xewerler torida körsitishiche, herbiy sahesidiki bu xil tengshesh, xitay re'isi shi jinpingning bu yil küzde échilidighan partiye qurultiyidin awwal özining hoquqini téximu mustehkemleshke tirishiwatqanliqini körsitidiken.

Xitay da'iriliri xitay kompartiyisi 19-nöwetlik qurultiyining 18-öktebir échilidighanliqini élan qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet