Ши җинпиң, ким җоңун билән сөһбитини доналд трампқа доклат қилған

Мухбиримиз шөһрәт һошур
2018.03.29
Share on WhatsApp
Share on WhatsApp

Америка президенти доналд трампниң бүгүн, йәни чаршәнбә күни ахбаратқа ашкарилишичә, хитай дөләт рәиси ши җинпиң сәйшәнбә күни кәчтә доналд трампқа учур йоллап, өзиниң ким җоңун билән сөһбәтләшкәнликини мәлум қилған. Ши җинпиң доналд трампқа бәргән мәлуматида йәнә ким җоңун билән сөһбитиниң яхши өткәнлики вә ким җоңунниң доналд трамп билән көрүшүшкә тәқәзза болуватқанлиқини ейтқан.

Ройтерс агентлиқиниң бүгүнки бу һәқтики хәвиридә баян қилинишичә, бу, ким җоңунниң 2011 ‏-йили тәхткә олтурғандин буянқи тунҗи чәтәл зиярити, шундақла җәнуби корейә вә америка президенти билән өткүзидиған сөһбитигә қарита бир тәйярлиништур. 

Ақсарай бүгүнки бу һәқтики баянатида һазирғичә ишлитилгән бесимниң шималий корейәни диалог йолиға йетәклигәнликини илгири сүргән. Доналд трамп бүгүнки бу һәқтә йоллиған твиттердики учурдиму йолға қоюлуватқан ембарголарниң изчил вә қәтий түрдә давамлишиши керәкликини тәкитлигән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.