Ши җинпиң мәңгү рәис болушниң қәдимини ташлиди

Мухбиримиз үмидвар
2018-02-25
Share

Хитай өзиниң асасий қануниға йәнә өзгәртиш киргүзүп, униңдики дөләт рәиси вә муавин рәисниң вәзипә өтәш қетим санини елип ташлашни пилан қилған.

"нюйорк вақти гезити" ниң хитай мәнбәлиридин нәқил елишичә, хитай компартийиси мәркизий комитетиниң тәшәббуси бойичә асасий қанундики  "дөләт рәиси вә муавин рәисиниң вәзипә өтиши икки қетимдин ашмаслиқи лазим" дегән бәлгилимә чиқириветилидикән.

Тәһлилчиләр бу өзгәртишниң ши җинпиңниң иккинчи қетимлиқ рәислик мөһлити тошқанда униң йәнә үчинчи қетим вә бәлки әбәдий рәис болуши үчүн шараит һазирлаш икәнликини пәрәз қилмақта.

Техи йеқиндила  "асасий қанун" ға түзитиш киргүзүлүп, "ши җинпиңниң йеңи дәвр хитай түсидики сотсиялизм идийиси" ни асасий қанунға киргүзүш қарарлаштурулған иди.

Хитай компартийиси даһийси мав зедоң өлгәндин кейин, 1982-йили елан қилинған хитай асаси қануни бойичә, рәис вә муавин рәисниң вәзипә өтиши икки қетим вә вәзипә өтәш муддити 5 йил болидиғанлиқи бекитилгән вә шуниңдин кейин бу принсип иҗра қилинип келингәниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт