Shi jinpingning ömürlük ornini kapaletke ige qilidighan asasiy qanun tüzütilmisi küchke ige boldi

Muxbirimiz ümidwar
2018.03.11

Ikki heptidin buyan xelq'ara metbu'atlar we közetküchilerning diqqet neziridin orun élip kéliwatqan xitayning asasiy qanunigha tüzitish kirgüzüp, dölet re'isining wezipe ötesh qétim sani we waqtining cheklimige uchrimasliqini küchke ige qilish 11-mart küni xitay xelq qurultiyida resmiy qarardin ötti.

Yekshenbe küni, yeni 11-mart küni xitay xelq qurultiyining yighinida xitay xelq jumhuriyiti asasiy qanunigha tüzitish kirgüzüsh layihisini qobul qilish heqqide bélet tashlash élip bérilip, 2958 qollash béliti bilen bu qanun layihisi resmiy qobul qilin'ghan. Buningda aran ikkila qarshi bélet we üch öz hoquqidin waz kéchish béliti bolghan. 

B b s agéntliqining xewer qilishiche, netijide, dölet re'isining wezipe ötesh qétim sani ikki qétimdin ashmasliqi kérek, dégen madda resmiy türde asasiy qanundin chiqiriwétilgen. 

Xitay kompartiyisining awazi- “Xelq géziti” bu munasiwet bilen bash maqale élan qilip, mezkur maddini chiqiriwétishni aqlap, buning meqsitining “Ömürlük wezipe ötesh tüzümi üchün emesliki” ni bildürgen bolsimu, biraq shi jinpingning qolgha keltürgen netijilirini yuqiri derijide medhiyiligen. 

Emma, xelq'araliq közetküchiler, jümlidin xitay mesililiri közetküchiliri xitay asasiy qanunigha özgertish kirgüzüshning özi emeliyette shi jinpingning mustebitliki, hakimmutleqliqi we ömürlük hoquq tutush yoligha méngishini qanunlashturush dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.