Шәндуңдики химийә завутидики партлаш вәқәсидә бир адәм өлди

Мухбиримиз меһрибан
2015-09-01
Share

Хитайниң тйәнҗин портида алдинқи айда йүз бәргән химийилик әшялар искилатидики зор партлаш вәқәси тәкшүрүлүватқан мәзгилдә, дүшәнбә күни шәндуң өлкиси дуңйиң шәһиридики химийә завутида йәнә партлаш вәқәсиниң йүз бериши диққәт қозғиди.

Хитайниң һөкүмәт таратқулири бу һәқтики хәвиридә, партлашниң 31-авғуст дүшәнбә түн ниспидә йүз бәргәнликини, партлаштин келип чиққан отниң 1-сентәбир сәһәрдә өчүрүвелинғанлиқини, партлашта бир адәмниң өлгәнликини хәвәр қилди.

Радиомиз игилигән әһваллардин мәлум болушичә, бу қетимқи партлаш шәндуң өлкисидә йеқинда йүз бәргән 2-қетимлиқ химийә завутидики партлаш вәқәси. Алдинқи қетимлиқ партлаш 22-авғуст кечидә хеңтәй наһийисидики химийиви әшя завутта йүз берип, 1 адәм өлгән, 9 адәм яриланған. Мәлум болушичә, шәндуңда йүз бәргән икки қетимлиқ партлаш тийәнҗин портида йүз бәргән химийиви әшялар амбиридики партлаштин кейин болғини үчүн, таратқуларниң җиддий диққитини тартқан. Хитай даирилири 1 - сентәбир бәргән мәлуматида тйәнҗиндики партлашта өлгәнләр саниниң 159 гә йәткәнликини хәвәр қилған вә тйәнҗиндики партлашта өлгүчиләр сани 1400 дин артуқ дәп хәвәр тарқатқан 100 нәччә кишиниң өсәк сөз тарқитиш җинайити билән әйиблинип тутқун қилинғанлиқини хәвәр қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт