Amérika adalet ministirliqi shinxu'a agéntliqini "Chet'el agéntliri" süpitide tizimlashni buyrudi

Muxbirimiz shöhret hoshur
2018-09-19
Élxet
Pikir
Share
Print

Bügünki xelq'ara axbaratlarda xewer qilinishiche, amérika adalet ministirliqi xitayning shinxu'a agéntliqi bilen yershari téléwiziyesining amérikidiki shöbilirini "Chet'el agéntliri" qatarida tizimlashqa buyruq chiqarghan.

Xewerlerde déyilishiche, bu buyruqqa asasen mezkur ikki shöbe özlirining maliye kirim-chiqimi we munasiwetlik orunliri heqqide melumat béridiken. Melum bolushiche, bu buyruq amérikida 1938‏-yilidin buyan ijra qiliniwatqan bolup, qisqartilip FARA dep atilidighan chet'el xadimlirini tizimlash qanunigha asasen chiqirilghan iken.

Igilinishiche, mezkur qanun chet'el hökümetlirining axbarat wasitisi arqiliq amérika jama'et pikirige we bu arqiliq amérika hökümitige tesir körsitishining aldini élish üchün tüzülgen, yeni musteqil axbarat orgini bolmighan, chet'el hökümetlirining qaniti bolghan axbarat orunlirining amérikida jasusluq rolini oynap qélishining aldini élishni meqset qilghan.

Buningdin ilgiri "Xitay kündiliki", "Shinming kechliki" qatarliq xitay gézitlirimu mezkur qanun boyiche tizimgha aldurulghan. Buningdin bashqa yene rusiyening 2016‏-yilliq amérika prézidént saylimigha arilashqanliqi ilgiri sürülüwatqan mezgillerde rusiyening "Bügünki rusiye" we "Sün'iy hemrah radi'osi" qatarliq axbarat organlirimu bu qanun boyiche tizimgha élin'ghan.

Toluq bet