Xitaydiki xiristiyan muritlirining künsayin köpiyishi xitay kompartiyesini endishige salmaqtiken

Muxbirimiz qutlan
2016-08-20
Share


Marksizm we maw zédong idiyesini qibliname qilip, dinsizliqni pütün küchi bilen teshwiq qilip kelgen xitay kompartiyesi özining xitaydiki hökümranliqi 70 yilgha yéqinlashqanda xitay puqralirida körülüwatqan diniy qizghinliqtin qattiq bi'aram bolmaqtiken.

"Amérika awazi" ning bu heqtiki xewirige qarighanda, xitayda hazir xiristiyan we katolik dinigha étiqad qilidighanlarning sani 80 milyon etrapida bolup, bu san xitay kompartiyesige eza bolghan kommunistlarning sanigha yéqinlashqan.

Amérikidiki xitayshunaslarning mölchirige qarighanda, xitaydiki xiristiyan muritliri shiddet bilen köpiyiwatqan bolup, 2030 - yiligha barghanda ularning sani 250 milyon'gha yétidiken. Buning bilen xitay dunyadiki xiristiyan dini muritliri eng köp döletke aylinidiken.

Xitay döletlik diniy ishlar idarisining bashliqi wang zo'en yéqinda xitay kompartiyesi merkiziy partiye mektipining bashqurushidiki "Öginish géziti" de mexsus maqale élan qilip, özining bu heqtiki endishisini otturigha qoyghan.

U maqaliside: "Ilgiri xitayda din'gha étiqad qilidighanlar ichide yashan'ghanlar, ayallar, yéza ahaliliri, töwen kirimlikler we medeniyet sewiyesi töwenler köp sanni igileytti. Hazir ehwal özgerdi. Nöwette din'gha étiqad qilidighanlar ichide yashlar, sheher ahaliliri, yuqiri kirimlikler we yuqiri oqush tarixigha ige kishiler shiddet bilen köpeymekte," dégen.

Igilinishiche, xitayda xiristiyan muritliridin sirt tibet buddizimigha étiqad qilidighan xitaylarmu köpeymektiken. Uning üstige Uyghurlar, tungganlar we bashqa islam dinigha étiqad qilidighan milletlerde pütün millet gewdisi bilen diniy étiqadini téximu mustehkemlesh iradisining küchiyishi xitay kompartiyesini qattiq endishige salmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet